Olimpiala Ludi en Moskva, 1980

De Wikipedio
L'Olimpiala Flago.

L'Olimpiala Ludi en Moskva, 1980, od oficale la 22ma Olimpiala Ludi, esis internaciona plursporta konkurso qua eventis en 1980 en Moskva, Sovietia. Lore unesmafoye komunista lando gastigis l'Olimpiala Ludi.

La Ludi komencis ye la 19ma di julio e finis ye la 3ma di agosto 1980. Partoprenis 5.179 atleti (4.064 viri e 1.115 mulieri)[1] de 80 landi[1] e teritorii qui havis Olimpiala komitati. Esis 203 eventi de 21 sporti.

Selekto dil urbo[redaktar | redaktar fonto]

Ye la 23ma di oktobro 1974 elektesis l'eventeyo di L'Olimpiala Ludi en 1980. Moskva ganis la konkurso kontre Los Angeles, Usa.

Kandidata urbi por Olimpiala Ludi 1980 - rezulti:
Urbo 1ma baloto
Moskva, Sovietia 39
Los Angeles, Usa 20

Kelka fakti[redaktar | redaktar fonto]

Maratono cirkum la Kremlin.
  • Usa e plusa 60 landi boikotis la Ludi. Usa e la maxim multa landi pro l'invado di Afganistan da Sovietia, e kelka landi pro ekonomiala kauzi. AnkeTaiwan boikotis, ma ne por l'invado di Afganistan: la lando ne aceptis konkursar sub la surnomo "Chinia Taipei".
  • 21% de l'atleti esis mulieri, la maxim alta procento til ta dato.
  • Sen la partopreno da Usa, Italia quaropligis la quanto de medalii ganita en Montreal, e Francia triopligis ol. Tamen, l'Italiani e la Franci konkursis sub l'Olimpiala Flago, ne sub lia nacionala flagi.
  • 36 mondala rekordi, 39 Europana rekordi e 74 olimpiala rekordi establisesis.
  • Belga princulo Alexandre de Merode afirmis: "Facesis 9.292 testi por detektar dopado. Nula esis pozitiva".
  • 8 landi konkuris unesma-foye: Angola, Vietnam, Botswana, Laos, Nikaragua, Seycheli, Mozambik e Chipro. Anciena Rhodezia konkursis sub lua nuna nomo: Zimbabwe.
  • 5 milion spekteri asistis la Ludi, 1.5 milioni plu multa kam en Montreal.
  • Kande la Ludi finis, on hisis ne la flago di Usa ma la flago di Los Angeles.
  • Segun l'Internaciona Komitato por l'Olimpiala Ludi (IOC), Sovietia spensis 862.7 milion rubli e havis revenuo de 744.8 milion rubli.
  • L'urso Misha esis la simpatiinda talismano di la Ludi.
  • Waldemar Cierpinski ganis itere l'ora medalio por maratono.
  • Kubana Teófilo Stevenson ganis lua triesma ora medalio por boxo, kategorio pezoza.
  • En konkurso di remobatelo por du personi, la du championi (de Sovietia) e la du vicechampioni (de Est-Germania) esis identa jemeli.

Medalii ganita[redaktar | redaktar fonto]

Landi partopreninta en 1980. Blue, landi qui partoprenis unesmafoye.
Landi qui boikotis la Ludi
(flave) en 1976 en Montréal
(blue) en 1980 en Moskva
(rede) en 1984 en Los Angeles.
Edifici di l'Olimpiala Vilajo, en Moskva. Fotografita en 2004.

Yen la listo di landi qui recevis adminime 1 medalio en Moskva en 1980.

# Lando Ora Arjenta Bronza Entote
1 Sovietia 80 69 46 195
2 Est-Germania 47 37 42 126
3 Bulgaria 8 16 17 41
4 Kuba 8 7 5 20
5 Italia 8 3 4 15
6 Hungaria 7 10 15 32
7 Rumania 6 6 13 25
8 Francia 6 5 3 14
9 Unionita Rejio 5 7 9 21
10 Polonia 3 14 15 32
11 Suedia 3 3 6 12
12 Finlando 3 1 4 8
13 Chekoslovakia 2 3 9 14
14 Yugoslavia 2 3 4 9
15 Australia 2 2 5 9
16 Dania 2 1 2 5
17 Brazilia 2 0 2 4
17 Etiopia 2 0 2 4
19 Suisia 2 0 0 2
20 Hispania 1 3 2 6
21 Austria 1 2 1 4
22 Grekia 1 0 2 3
23 Belgia 1 0 0 1
23 India 1 0 0 1
23 Zimbabwe 1 0 0 1
26 Nord-Korea 0 3 2 5
27 Mongolia 0 2 2 4
28 Tanzania 0 2 0 2
29 Mexikia 0 1 3 4
30 Nederlando 0 1 2 3
31 Republiko Irlando 0 1 1 2
32 Uganda 0 1 0 1
32 Venezuela 0 1 0 1
34 Jamaika 0 0 3 3
35 Guyana 0 0 1 1
35 Libano 0 0 1 1
Totali 204 204 223 631

Referi[redaktar | redaktar fonto]