Olimpiala Ludi en México, 1968

De Wikipedio
Simbolo pri l'Olimpiala Ludi en México, 1968.

L'Olimpiala Ludi en México, 1968, od oficale la 19ma Olimpiala Ludi, esis internaciona plursporta konkurso qua eventis en 1968 en México, Mexikia. Lore unesmafoye Hispana-lingua lando developanta gastigis l'Olimpiala Ludi.

La Ludi komencis ye la 12ma di oktobro e finis ye la 27ma di oktobro 1968. Partoprenis 5.530 atleti (4750 viri e 780 mulieri) de 112 landi e teritorii qui havis Olimpiala komitati. Esis 172 eventi di 20 sporti.

Selekto dil urbo[redaktar | redaktar fonto]

Kandidata urbi por l'Olimpiala Ludi 1968 - rezulti:
México, Mexikia 30
Detroit, Usa 14
Lyon, Francia 12
Buenos Aires, Arjentinia 2

Ye la 18ma di oktobro 1963 elektesis l'eventeyo di L'Olimpiala Ludi por 1968. Eduardo Hay, reprezentanto di México argumentis avan l'Olimpiala Komitato ke l'altitudo di México (2240 metri super la marala nivelo) ne afektos l'atleti e promisis ke l'urbo pagos la spensi di l'aklimato di la atleti qui deziros lo. Ilu anke parolis pri la «politikala stabileso, forta ekonomio e socia liberesi» ed anke pri la substrukturo por sporti en la urbo. Fine México ganis la konkurso, kontre Detroit, Lyon e Buenos Aires.

Pos askoltar la rezulti, Mexikiana reprezenteri aplaudis ed aklamis kontente. Mexikiana prezidanto Adolfo López Mateos deklaris ke la vinko esas «rikonoco pri la esforco dal populo di Mexikia».

Kelka fakti[redaktar | redaktar fonto]

Tommie Smith e John Carlos facas la saluto dil movado Black Power (“Nigra Povo”).
  • Sudafrika provizore invitesis dal Olimpiala Komitato. Tamen, Afrikana landi e negra atleti de Usa promisis boikotar la Ludi se Sudafrika partoprenos. Fine, l'Olimpiala Komitato decidis ke "esus dessaja se Sudafrika partoprenus".[1]
  • Dum la premio-ceremonio di 200-metra kurado Usana negra atleti Tommie Smith (qua ganis ora medalio) e John Carlos (qua ganis bronza medalio) levis nigra ganti kom homajo al movado di Nigra Povo (Black Power). Li subisis ekpulso-puniso da l'Olimpiala Komitato.
  • La probi kontre dopado uzesis unesmafoye. Sueda atleto Hans-Gunnar Liljenwall desqualifikesis pro l'uzado di alkoholo[2].
  • Dek dii ante l'Olimpiala Ludi, ye la 2ma di oktobro, eventis studentala protesto en la placo Plaza de las Tres Culturas. La protesto divenis konocata kom Masakro en Tlateloco pro la morto di 300 studenti dum sedicio kontre la polico e l'armeo. Malgre la protesto, l'Olimpiala Komitato rezolvis ne nihiligar la Ludi pro judikar la sedicio kom izolita incidento.
  • Est- e West-Germania konkursis unesmafoye kom separita landi. Ica separeso duris til l'Olimpiala Ludi en Seoul, 1988.
  • Chekoslovakiana gimnastikistino Věra Čáslavská - qua recevis arjenta medalio - silence retroinklinis lua kapo kande el askoltis la nacionala himno Sovietiana por Natalia Kuchinskaya, qua ganis l'ora medalio. Ta ago esis tacema protesto da Čáslavská kontre l'invado di Chekoslovakia da Sovietiana trupi en ta yaro.
  • Amba esquadi de Sovietia - maskula e homina - ganis ora medalii por volebalo.
  • Usana natistulo Charles Hickcox ganis 3 ora medalii (200 metri, 400 metri e 4x100 metri kun mixita stili) ed un arjenta medalio. Anke l'Usana natistino Debbie Meyer ganis 3 ora medalii (200 metri, 400 metri e 800 metri kun mixita stili).

Medalii ganita[redaktar | redaktar fonto]

Landi partopreninta en México, 1968. Landi blua partoprenis unesmafoye.
Tunizian atleti dum l'inauguro-ceremonio en México, 1968.
Stadio Olimpiala Universitatala.

Yen la listo di landi qui recevis adminime 1 medalio en México 1968.

# Lando Ora Arjenta Bronza Entote
1 Usa 45 28 34 107
2 Sovietia 29 32 30 91
3 Japonia 11 7 7 25
4 Hungaria 10 10 12 32
5 Est-Germania 9 9 7 25
6 Francia 7 3 5 15
7 Chekoslovakia 7 2 4 13
8 West-Germania 5 11 10 26
9 Australia 5 7 5 17
10 Unionita Rejio 5 5 3 13
11 Polonia 5 2 11 18
12 Rumania 4 6 5 15
13 Italia 3 4 9 16
14 Kenia 3 4 2 9
15 Mexikia 3 3 3 9
16 Yugoslavia 3 3 2 8
17 Nederlando 3 3 1 7
18 Belgia 2 4 3 9
19 Iran 2 1 2 5
20 Suedia 2 1 1 4
21 Turkia 2 0 0 2
22 Dania 1 4 3 8
23 Kanada 1 3 1 5
24 Finlando 1 2 1 4
25 Etiopia 1 1 0 2
25 Norvegia 1 1 0 2
27 Nova-Zelando 1 0 2 3
28 Tunizia 1 0 1 2
29 Pakistan 1 0 0 1
29 Venezuela 1 0 0 1
31 Kuba 0 4 0 4
32 Austria 0 2 2 4
33 Suisia 0 1 4 5
34 Mongolia 0 1 3 4
35 Brazilia 0 1 2 3
36 Belgia 0 1 1 2
36 Sud-Korea 0 1 1 2
36 Uganda 0 1 1 2
39 Kamerun 0 1 0 1
39 Jamaika 0 1 0 1
41 Arjentinia 0 0 2 2
42 Grekia 0 0 1 1
42 India 0 0 1 1
42 Taiwan 0 0 1 1
Totali 174 170 183 527

Referi[redaktar | redaktar fonto]

  1. The Politics of the Olympic Games: With an Epilogue, 1976-1980 - Autoro: Espy, Richard. Publikigita da University of California Press. ISBN 9780520043954. Dato di publikigo: 1981. Pag.: 125-8 URL vidita ye 16ma di junio 2013. Idiomo: Angliana.
  2. Atletismo Español nº 508