Olimpiala Ludi en London, 1948

De Wikipedio
Irez ad: pilotado, serchez
Afisho pri l'Olimpiala Ludi en London, 1948.

L'Olimpiala Ludi en London, 1948, od oficale la 14ma Olimpiala Ludi, esis internaciona plursporta konkurso qua eventis en 1948 en London, Unionita Rejio. Duesmafoye London gastigis l'Olimpiala Ludi, qui esis l'unesma Ludi pos la Duesma mondomilito.

La Ludi komencis ye la 29ma di julio e finis ye la 14ma di agosto 1948. Partoprenis 4.104 atleti (3.714 viri e 390 mulieri) de 59 landi e teritorii. Esis 136 eventi de 17 sporti.

Germania e Japonia ne permisesis sendar atleti a la Ludi. Italia, qua revokabis Benito Mussolini de la povo en 1943, recevis permiso partoprenar. Sovietia invitesis ma refuzis sendar atleti.

Li esis l'unesma Ludi qui eventis pos la morto di Pierre de Coubertin en 1937.

Selekto dil urbo[redaktar | edit source]

L'Olimpiala Flago.

En junio 1939 l'Internaciona Olimpiala Komitato selektis l'eventeyo por la Ludi di 1944. Pro la duesma mondomilito la ludi ne eventis. Pos ke finis la milito, London restis kanditata por la sequanta Ludi. Unionita Rejio preske donis l'eventeyo ad Usa pro manko di kapitali pos la milito, ma rejulo George la 6ma di Unionita Rejio dicis ke la Ludi reparos'Unionita Rejio pos la milito.

La Ludi surnomizesis "la Ludi di Severeso", pro manko di kapitali destinata a sportala substrukturi. Nutrivi, petrolo e materiaro por konstrukto porcionigesis. Konstruktar olimpiala vilajo reputesis kustoza, do l'atleti sejornis en existanta lojeyi konstruktita por militala uzado.[1] La stadio Wembley adaptesis por recevar la konkursi pri atletismo. Tamen, l'atleti recevis augmentita porcioni di nutrivi: 5,467 kalorii omnadie, vice la mezvalora 2,600 kalorii omnadie por la komuna civitani.

Kelka fakti[redaktar | edit source]

Arjentinian atleto Delfo Cabrera vinkas la maratono en 1948.

Medalii ganita[redaktar | edit source]

Landi partopreninta l'Olimpiala Ludi, 1948. Blue, landi qui partoprenis unesmafoye.
Spektanti dum l'inauguro-ceremonio di l'Olimpiala Ludi en 1948.

Yen la listo di landi qui recevis adminime 1 medalio en London, 1948.

# Lando Ora Arjenta Bronza Entote
1 Flag of the United States.svg Usa 38 27 19 84
2 Flag of Sweden.svg Suedia 16 11 17 44
3 Flag of France.svg Francia 10 6 13 29
4 Flag of Hungary.svg Hungaria 10 5 12 27
5 Flag of Italy.svg Italia 8 11 8 27
6 Flag of Finland.svg Finlando 8 7 5 20
7 Flag of Turkey.svg Turkia 6 4 2 12
8 Flag of the Czech Republic.svg Chekoslovakia 6 2 3 11
9 Flag of Switzerland.svg Suisia 5 10 5 20
10 Flag of Denmark.svg Dania 5 7 8 20
11 Flag of the Netherlands.svg Nederlando 5 2 9 16
12 Flag of the United Kingdom.svg Unionita Rejio 3 14 6 23
13 Flag of Argentina.svg Arjentinia 3 3 1 7
14 Flag of Australia.svg Australia 2 6 5 13
15 Flag of Belgium.svg Belgia 2 2 3 7
16 Flag of Egypt.svg Egiptia 2 2 1 5
17 Flag of Mexico.svg Mexikia 2 1 2 5
18 Flag of South Africa.svg Sudafrika 2 1 1 4
19 Flag of Norway.svg Norvegia 1 3 3 7
20 Flag of Jamaica.svg Jamaika 1 2 0 3
21 Flag of Austria.svg Austria 1 0 3 4
22 Flag of India.svg India 1 0 0 1
22 Flag of Peru.svg Peru 1 0 0 1
24 SFRY flag large.png Yugoslavia 0 2 0 2
25 Flag of Canada.svg Kanada 0 1 2 3
26 Flag of Portugal.svg Portugal 0 1 1 2
26 Flag of Uruguay.svg Uruguay 0 1 1 2
28 Flag of Sri Lanka.svg Ceylon [2] 0 1 0 1
28 Flag of Cuba.svg Kuba 0 1 0 1
28 Flag of Spain.svg Hispania 0 1 0 1
28 Flag of Trinidad and Tobago.svg Trinidad e Tobago 0 1 0 1
32 Flag of South Korea.svg Sud-Korea 0 0 2 2
32 Flag of Panama.svg Panama 0 0 2 2
34 Flag of Brazil.svg Brazilia 0 0 1 1
34 Flag of Iran.svg Iran 0 0 1 1
34 Flag of Poland.svg Polonia 0 0 1 1
34 Flag of Puerto Rico.svg Porto-Riko 0 0 1 1
Totali 138 135 138 411

Noti e referi[redaktar | edit source]

  1. Eduardo Alperín (22 di julio 2012). Historia de J.J.OO. - Londres 1948 (en Kastiliana). URL vidita ye la 26 di aprilo 2015.
  2. Lando chanjis lua nomo por Sri Lanka en 1972.