Historio di Lesotho

De Wikipedio
Irez ad: pilotado, serchez
Rejulo Moshoeshoe 1ma e lia ministri.

Unesma habitanti di nuna Lesotho esis Khoisan populi, substitucita da Bantuo populi dum la Bantua expanso. Unesma rejulo di moderna Lesotho esis Moshoeshoe 1ma, qua regnis de 1822 til 1870.

Unionita Rejio transformis Lesotho en protektorato en 1884, e donis lu la nomo Basutolando, konservita til la nedependo. Kande l'Uniono di Sudafrika fondesis en 1910 Lesotho sejornis kontrolita da Britaniani. En 1959 nova konstituco donis a Basutolando lua unesma legifantaro.

Flago di Lesotho.

Lesotho divenis nedependanta de Unionita Rejio en 4 di oktobro 1966 kom monarkio, kun Moshoeshoe 2ma kom rejio ed un parlamento kun du chambri. En 1970 la partiso Basotho National Party (BNP) perdis l'unesma elekto pos nedependo. Basutoland Congress Party ganis 36 reprezentisti en la parlamento kontre 23 de BNP. Chefministro Leabua Jonathan ne aceptis la rezulto, ed enkarcerigis la chefo di BCP. Komencis militeto-ataki kontre la guvernerio. Leabua Jonathan guvernis de facto til 1986 kande militarala stato-stroko renversis il. Militisti donis povo a la rejulo Moshoeshoe 2ma qua, ta epoko, nur havis ceremoniala autoritato. Ma kande la rejulo deziris plusa povi, militisti forcis il a abdikar, e lia filiulo Letsie 3ma divenis rejulo.

En 1993 nova konstituco adoptesis, e diminutis la povo dil rejo, qua perdis tota l'exekutiva povo. En 2 di aprilo sam yaro Ntsu Mokhehle divenis chefministro.


LocationAfrica.png
Historio di Afrika
Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | San-Tome e Principe | Senegal | Sierra Leone | Seycheli | Somalia | Sudafrika | Sudan | Sud-Sudan | Swazilando | Tanzania | Tunizia | Togo | Uganda | Zambia | Zimbabwe