Historio di Komori
La maxim anciena habitanti di Komori esis Afrikani ed Austroneziani, qui arivis en l'insuli ante la yaro 600 pos Kristo, dato di la maxim anciena arkeologiala loko konocata en Komori, an l'insulo Nzwani (Anjouan). Populi Swahili arivis en l'arkipelago dum l'unesma yarmilo.
Arabi komercisti adportis islamo al insuli. Araba koloniigo en l'insuli kreskis kande Zanzibar falis en manui di l'Omanani. Diversa rivala sultanii koloniigis l'insuli dum la 16ma e 17ma yarcenti.
Portugalani komencis explorar l'insuli en 1505. En 1793 Madagaskarani komencis marodar l'insuli por prenar sklavi, e pose kontrolis diversa regioni. Francia komenicis okupar l'arkipelago en 1841. En 1886 rejino Salima Machimba pozis l'insulo Mohéli sub Franca protekto. Samayare, sultano Said Ali de Granda Komoro anke aceptis Franca protekto, quankam ilu duris esar la suvereno til 1909. Franca generala-guberniestro en Madagaskar administris l'insuli pos 1914.
Ye la 6ma di julio 1975 Komoriana parlamento deklaris unilatere la nedependo di la lando. Ahmed Abdallah Abderemane divenis l'unesma prezidanto di Komori, ma ye la 3ma di agosto sam yaro eventis stato-stroko, e Said Mohamed Jaffar asumis povo.
|
|
| Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Eswatini | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | San-Tome e Principe | Senegal | Sierra Leone | Seycheli | Somalia | Sudafrika | Sudan | Sud-Sudan | Tanzania | Tunizia | Togo | Uganda | Zambia | Zimbabwe | |