Historio di Seycheli

De Wikipedio
Irez ad: pilotado, serchez

Segun studiisti, l'unesma populi qui vizitis e koloniigis Seycheli esis l'Austroneziani, e pose Maldiviani ed Arabi. Homala restaji de la 12ma yarcento trovesis an l'insulo Silhouette.

En 1502 Portugalana explorero Vasco da Gama vidis l'insuli e nomizis ol Almirantes ("admirali"). En 1609 Angla komercala floto perdita en l'Indiana oceano dum tempesto trovis abundanta aquo, fishi, kokosi, uceli e tortugi en l'insuli. Navanari relatis la deskovro, ma Anglia facis nulo por koloniigar ol.

Franci esis l'unesma kolonigiisti di Seycheli, en 1742. L'insulo recevis la Franca nomo "Seychelles" memoriganta Jean Moreau de Séchelles, intendanto di Lille.

La komenco di Sep-yara milito rimemorigis l'autoritati en Maurico pri l'insuli Seycheli. En 1790, konseque de Franca Revoluciono, kolonigiisti de la insuli formacis kolonial asemblajo e decidis ke li propra administrus la kolonio. Jean-Baptiste Queau de Quincy esis lasta Franca administristo.

En 1794 Britaniani okupis la teritorio. Jean Baptiste Quéau de Quincy decidis ne rezistar, e negociis kapitulaco kun Britaniani, qui prenis kontrolo dil arkipelago komplete pos la kapitulaco di Maurico en 1810.

Nur en 1903 Seycheli divenis kolonio di la krono. Ernest Bickham Sweet-Escott divenis lua unesma guberniestro. Dum kelka tempo Unionita Rejio uzis l'insuli kom kolonio por exilar desagreabla karcerani. Un ek la maxim notora esis arkiepiskopo Makarios de Chipro.

James Mancham, en la monetopeco di 25 rupii.

En marto 1970 reprezenteri e politikisti de Seycheli komencis diskutar en London pri la futuro dil insuli. En la kunveno apartenis la Demokratiala partiso di Seycheli (Seychelles Democtaric Party - SDP) komandita da James Mancham, qua defensis forta uniono kun Unionita Rejio, e l'Unionita Partiso dil Populo di Seycheli (Seychelles People's United Party) komandita da France-Albert René, qua defensis la nedependo. En l'elekti qui eventis en novembro ta yaro SDP vinkis. En la sequanta elekti qui eventis en aprilo 1974, la du partisi decidis suportar la nedependo. Pos vinkir, la du partisi komencis dialogar kun l'Unionita Rejio.

Flago di Seycheli.

Seycheli divenis nedependanta ye la 29ma di junio 1976. James Mancham divenis lua unesma prezidanto, ma en 1977 ilu revokesis de povo per stato-stroko. France-Albert René remplasis ilu. La konstituco adoptita en 1979 deklaris lando socialista stato.

En 1986 la ministro pri la defenso Ogilvy Berlouis probis revokar la prezidanto René per stato-stroko. René solicitis militala helpo de India e sufokis la stato-stroko.

Ye la 4ma di decembro 1991 pos la krulo di Sovietia, prezidanto René anuncis plurapartisal elekti, pos 16 yari kun sistemo di singla partiso. Inter la personi exilita qui retroiris a Seycheli esis l'ex-prezidanto James Mancham. Ilu rikreis lua partiso e ribaptis ol "Demokratiala partiso" (Democratic Party - DP). Ok partisi decidis partoprenar en la komisitaro qua revizis la konstituco, promulgita pos plebicito qua eventis de la 15ma til la 18ma di julio 1993. De la 23ma til la 26ma di julio sam yaro eventis l'unesma libera elekti pos la nova konstituco. L'internaciona observeri deklaris ke l'elekti, vinkita da France-Albert René, esis yusta. En 2016 Danny Faure elektesis e sucedis France-Albert René.


LocationAfrica.png
Historio di Afrika
Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | San-Tome e Principe | Senegal | Sierra Leone | Seycheli | Somalia | Sudafrika | Sudan | Sud-Sudan | Swazilando | Tanzania | Tunizia | Togo | Uganda | Zambia | Zimbabwe