Historio di Zimbabwe

De Wikipedio
Irez ad: pilotado, serchez
Ruini di Granda Zimbabwe.

Arkeologi trovis instrumenti de petr-epoko en diversa regioni di nuna Zimbabwe, qui sugestas ke homi ja habitis la regiono de mili di yari ante nun. Proxim lago Mutrikwe existas ruini di un urbo konocita kom Granda Zimbabwe, qua komencis konstruktesar dum la 11ma yarcento e kontinuis habitesar til la 15ma yarcento. Zimbabwe esas la nomo di la ruini en Shona-linguo.

Ceramiki de la 7ma yarcento da bantua populi trovesis en la nord-esto di Zimbabwe.[1] Tamen, l'exakta epoko dil arivo di Shona-populo esas necerta.

Rejio di Mutapa en mapo de la 17ma yarcento.

De cirkum 1430 til 1760 la regiono esis parto dil rejio di Mutapa (en Portugalana, Monomotapa). Ca rejio administris granda parto di nuna Zimbabwe e parto di centrala Mozambik. Portugalana kolonigiisti destruktis la komerco e komencis serio di militi qui febligis la rejio. Kom respondo a la militi, establisesis Rozwi-imperio en l'alta platajo di Zimbabwe, tra l'uniono di diversa Shona-stati. Rowzi-imperio vinkis Portugalani ed ekpulsis ol de centrala platajo.

En 1888 Cecil Rhodes recevis de Lobengula, rejo di ndebele populo, la yuro di minar. Pos kelka yari, britaniani fondis kolonio, qua recevis nomo Rhodesia.

En 1965 Ian Smith proklamis Zimbabwe nedependanta de Unionita Rejio kun nomo Rhodesia ed instalis apartheid rejimo. Interna milito kontre apartheid rejimo komecis. Kun fino di milito, la nedependo di Zimbabwe agnoskesis en 1980.

Flago di Zimbabue.

En 2000 guvernerio komencis repartisar tereni qui apartenis a blanki inter negri.

Referi[redaktar | edit source]

  1. Phillipson, Bantu-Speaking People in Southern Africa (1989),


Historio di Afrika
Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | Sao Tome e Principe | Senegal | Sierra Leone | Seycheli | Somalia | Sud-Afrika | Sudan | Sud-Sudan | Swazilando | Tanzania | Tunizia | Togo | Uganda | Zambia | Zimbabwe
Dependanta teritorii

Ceuta | Kanarii | Madeira | Melilla | Westala Sahara | Mayotte | Reunion | Sokotra

Ne agnoskata nedependesi
Somalilando | Puntlando