Historio di Uganda

De Wikipedio
Irez ad: pilotado, serchez
La protektorato di Uganda, kun la regioni tradicionale okupita dal rejii Buganda a Bunyoro.

Homi ja habitis la regiono de nuna Uganda adminime 50 mil o posible 100 mil yari ante nun, dum Paleolitiko, segun montras kelka restaji trovita proxim la lago Victoria. De 2300 til 1700 yari ante nun, populi qui parolis Bantua-lingui migris vers la sudo di la nuna Uganda. Dum la yari 1830ma kande Araba komerciisti eniris la regiono de litoro, li trovis rejii kun developita institucuri. Du ek ica rejii esis la rejio Buganda e la rejio Bunyoro, qua existis de la 13ma til la 19ma yarcento.

Flago dil protektorato di Uganda.

En 1890 Unionita Rejio e Germana imperio signatis pakto qua konfirmis Britaniana dominacajo en Kenia e Uganda. Buganda ed altra rejii enkorpigesis sub la Britaniana protektorato di Uganda en 1894.

Flago di Uganda

Uganda divenis nedependanta de Unionita Rejio ye la 9ma di oktobro 1962. Dum la sequanta yari eventis konflikti inter la suporteri di federala sistemo e suporteri di centraligata stato. Konseque de la konflikti, ye februaro 1966 Milton Obote suspensis la konstituco e asumis diktatorala povo.

Inter 1971 e 1979 Uganda subisis l'opreso de la diktatoreso di Idi Amin Dada, qua finis nur pos la milito Uganda-Tanzania, kande Ugandani exiliita invadis la lando kun la helpo di Tanzanian armeo. Ta invado permisis ripozar Milton Obote en povo. Obote guvernis til 1985 kande ilu revokesis per stato-stroko komandita dal lietnanto-generalo Tito Okello.

En 1981 Yoweri Kaguta Musaweni kreis militeto-grupo nomizita National Resistance Army, qua luktis kontre la guverni di Idi Amin Dada e Milton Obote. En 1985 komencis negocii pri paco inter reprezenteri de Tito Okelo e de Musaweni. La kontrato pri paco signatesis en Nairobi, Kenia, e permisis Musaweni guvernar pos asumir la povo en januaro 1986.

Musaweni guvernis sen elekto dum 10 yari til mayo 1996, kande ilu disputis la prezidanteso kontre Paul Ssemogerere, e vinkis.


LocationAfrica.png
Historio di Afrika
Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | San-Tome e Principe | Senegal | Sierra Leone | Seycheli | Somalia | Sudafrika | Sudan | Sud-Sudan | Swazilando | Tanzania | Tunizia | Togo | Uganda | Zambia | Zimbabwe