Historio di Guinea

De Wikipedio
Irez ad: pilotado, serchez
L'imperio Mali (1230 til 1600) e nuna frontieri.

La nordo di nuna Guinea esis parto del imperio Mali, qua existis depos la yari 1230ma, e pose del imperio Songhai, qua expansis su pos 1460 ed existis til 1591. Portugalani esis l'unesma Europani qui arivis an la regiono. Li komencis la komerco di sklavi dum la 16ma yarcento.

Teokratio di Futa Jallon.

De 1725 til 1896 existis la teokratiala stato Futa Jalon (France: Fouta Djallon) apogata sur l'islamana lego e kun chefurbo en Timbo, urbeto proxim la nuna Mamou, en Guinea. Ta stato kompozesis ek 9 provinci kun kelk autonomio. Ta stato explotachis la profitoza komerco di sklavi kun Portugalani e Franci. En 1865 Futa Jallon invadis la vicina imperio Kaabu, en nuna Senegal e Gambia, e konquestis ol komplete en 1867.

Francia komencis okupar la regiono dum la duesma duimo de la 19ma yarcento, ma pos 1882 ol konfrontis la rezisto di la lokala militarala chefo Samory Touré. Touré, kun 30 o 35 mil soldati e Britaniana pafili, konfrontis Franc armeo en kelka batalii. En 1898 Francia fine vinkis Touré e transformis Guinea en kolonio.

Flago di Guinea.

Guinea divenis nedependanta de Francia ye la 2ma di oktobro 1958. Ahmed Sékou Touré esis lua unesma prezidanto. Il guvernis til lua morto, ye la 26ma di marto 1984. La chefa ministro Louis Lansana Beavogui asumis provizore e devis kunvokar elekti 45 dii pose, ma ye la 3ma di aprilo la generalo Lansana Conté donis stato-stroko e asumis povo til lua morto, ye la 22ma di decembro 2008.

Kelka hori pos la morto di Lansana Conté, Moussa Dadis Camara asumis povo per stato-stroko kom chefo di uniono di militisti e guvernis til 2009,[1] kande ilu subisis atento kontre lua vivo. Kande Camara transferesis vers Maroko por medikala kuracado, la generalo e viceprezidanto Sékouba Konaté asumis povo. Konaté kunvokis elekti por prezidanto la sequanta yaro, vinkita da Alpha Condé, qua asumis povo ye la 21ma di decembro 2010.

Dum la nokto di la 18ma di julio 2011, la domo di Alpha Condé atakesis dum probo di stato-stroko, ma ilu eskapis sendomaja.[2] Pose, 16 personi akuzesis pri probo di asasino kontre la prezidanto.

Referi[redaktar | redaktar fonto]

  1. Walker, Peter (23ma di decembro 2008) - Army steps in after Guinea president Lansana Conté dies - . Army steps in after Guinea president Lansana Conté dies. (London) The Guardian
  2. Guinea: Conde's Residence Hit By Rocket Fire. allAfrica.com (19ma di julio 2011)..


LocationAfrica.png
Historio di Afrika
Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | San-Tome e Principe | Senegal | Sierra Leone | Seycheli | Somalia | Sudafrika | Sudan | Sud-Sudan | Swazilando | Tanzania | Tunizia | Togo | Uganda | Zambia | Zimbabwe