Historio di Eritrea

De Wikipedio

Un ek la posibla ancestri di la nuna Homo sapiens vivis en Eritrea 1 milion yari ante nun. Lua skeleto trovesis en Buya. Dum la lasta interglacial epoko, la litoro di Eritrea en Reda maro okupesis da moderna homi.[1]

Koloni di petro en Qohaito, Eritrea.

La regiono di nuna Eritrea konocesis dal anciena Egiptiani kom lando Punt, e ja mencionesis en hieroglifi de 25 yarcenti aK. Ol esis intersequante okupita dal Egipti, Otomani e Britaniani.

Pos l'inauguro dil kanalo di Suez en 1869, lora sultano di Raheita vendis tereni cirkume la bayo di Assab ad Italiana kompanio Rubattino. Balde la regiono divenis centro por vendar karbono a navi qui trairis kanalo di Suez. Pos la morto dil imperiestro Yoannes la 4ma di Etiopia, Italiani invadis Eritrea e transformis ol en oficala kolonio ye la 1ma di januaro 1890. En 1887, Italiani komencis konstruktar ferovoyo por ligar portuala urbo Massawa ad Asmara, qua kompleteskis en 1932. En 1936, Eritrea divenis parto di Italian Estal Afrika, kun Etiopia e Somalilando.

En 1941, Eritrea havis cirkume 760 000 habitanti, de qui 70 000 Italiani. Etiopiani e Britaniani ekpulsis Italiani ye la sam yaro, ma la regiono restis protektorato dil Unionita Rejio. Pos la duesma mondomilito, Eritrea asociis su kun Etiopia e divenis Etiopiana provinco en 1952.

Standardo di Eritrea.

Ye la 1ma di septembro 1961, la Fronto por la Liberigo di Eritrea (FLE) komencis milito kontre Etiopia pri la nedependo di Eritrea, qua duris dum 30 yari. Fine pos plebicito inspektita dal Unionita Nacioni kun 99,83% ek la voti favorebla a la nedependo, Eritrea nedependanteskis en 1993. Isaias Afwerki lor asumis la prezidanteso, e guvernas autoritatoze til nun. Lua partiso "Fronto dil Populo por Demokratio e Yusteso" esas la sola partiso legala en la lando.

En 1996 la konstituco di Eritrea aprobesis, tamen ol ne adoptesis til nun. En 1998, Eritrea ed Etiopia disputis kontrolo pri urbo Badme, e komencis milito Eritrea-Etiopia, qua duris til 2000.

Referi[redaktar | redaktar fonto]

  1. McGraw-Hill Encyclopedia of Science and Technology.  Publikigita da The McGraw Hill Companies Inc..  Loko di publikigo: USA. Dato di publikigo: 2002. 


Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Eswatini | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | San-Tome e Principe | Senegal | Sierra Leone | Seycheli | Somalia | Sudafrika | Sudan | Sud-Sudan | Tanzania | Tunizia | Togo | Uganda | Zambia | Zimbabwe