Historio di Benin

De Wikipedio
Irez ad: pilotado, serchez
Rejulo Ghezo, de Dahome.

Benin esis parto dil ancien Afrikana rejio di Dahome, qua existis de cirkume 1600 til 1900 kun chef-urbo en Abomey. Portugalani arivis en la regiono dum 15ma yarcento e komencis la komerco di sklavi kun Dahome. La regiono divenis konocata kom Sklavo-Rivo. On evaluas ke Dahome furnisis cirkume 20% de omna Afrikana sklavi vendita en Amerika.

Franci komencis koloniigar la regiono en 1872. En 1899 la regiono divenis parto di Franca West-Afrika. Ol restis Franca kolonio til la 4ma di decembro 1958, kande ol obtenis propra guvernerio.

Flago di la Populala Republiko di Benin.

En 1960 Dahome divenis nedependanta de Francia. Coutoucou Hubert Maga esis lua unesma prezidanto. Dum la sequanta 12 yari, eventis diversa stato-stroki. En 1972 Mathieu Kérékou establisis marxista rejimo. Il kreis la Militara Konsilantaro pri Revoluciono (abreviuro en la Franca: CNR) e rinomizis Dahome en 1975 kom Populala Republiko di Benin.

En 1979 CNR extingesis e Kérékou aranjis trompiva elekto en qua il esis l'unika kandidato. Il establisis diplomacala relati kun Populala Republiko di Chinia, Nord-Korea e Libia.

Flago di Benin

En 1980 Kérékou konvertis su ad islamo e modifikis lua nomo ad Ahmed, ma pose il riadoptis lua anciena nomo pos adoptar rinaskinta kristanismo.

En 1989 komencis sedicii en l'armeo, produktita da nepago di salarii. Kérékou decidis abandonar marxismo e subisis presi por organizar elekti. En 1991 il vinkesis da Nicéphore Soglo e divenis l'unesma negra Afrikana chefo di stato qua livis la povo pos demokratiala elekti. En 1996 il kandidateskis por la prezidanteso ed elektesis. Il itere elektesis en 2001.

Ye la 5ma di marto 2006 eventis nova elekto, e Thomas Yayi Boni, la nuna prezidanto, elektesis.


LocationAfrica.png
Historio di Afrika
Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | San-Tome e Principe | Senegal | Sierra Leone | Seycheli | Somalia | Sudafrika | Sudan | Sud-Sudan | Swazilando | Tanzania | Tunizia | Togo | Uganda | Zambia | Zimbabwe