Historio di Eswatini

De Wikipedio
Objekto de la kulturo Swazi.

La nuna Eswatini habitesis de la prehistorio. Arkeologiala restaji montras ke homala grupi ja habitis ibe 200 mil yari ante nun. En multa loki de la lando trovesas pikturi de 27 mil yari ante nun. L'unesma habitanti esis chaseri-kolekteri di etnio Khoisan.

Mapo di sudal Afrika en 1896.

Pos diversa konflikti kun populi qui vivis en la regiono di nuna Maputo, Mozambik, le Ngwane (altra nomo por la populo Swazi) establisis su en la regiono konocita kom Zululando en 1750. Pro le Ngwane esir min povoza kam la populo zuluo, li translojis su adnorde dum la yari 1810ma e 1820ma. Sub la regno di Sobhuza la 1ma la populo Swazi establisis su en la regiono di nuna Eswatini.

Kontakti kun Britaniani komencis dum la 19ma yarcento. En 1881 Britaniani subskribis pakto qua agnoskis la nedependo di Eswatini. Tamen, dum la rejio di Mswati la 2ma, l'unesma blanki - Buri, de Transvaal - establisis su en la teritorio di la lando. En 1902 Britaniani eniris la teritorio di la rejio e proklamis lua dominaco e resortiso super Eswatini, komence kom parto di Transvaal. En 1906 Britaniani separis Eswatini de la kolonio Transvaal.

Flago di Eswatini.

De 1906 til 1968, Eswatini administresis da rezidanta guberniestro, qua guvernis segun dekreti dal alta komisito por Sudafrika. La lando nedependeskis del Unionita Rejio ye la 6ma di septembro 1968.

Pos l'elekti di 1973, Sobhuza la 2ma lor la rejulo di la lando, suspensis la konstituco adoptita lor la nedependantesko, e guvernis la lando tra dekreto til 1982. Pos lua morto, la rejino Dzeliwe Shongwe esis la chefo di stato til 1984, kande el revokesis de la povo e remplasesis dal rejino Ntombi Twala.


Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Eswatini | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | San-Tome e Principe | Senegal | Sierra Leone | Seycheli | Somalia | Sudafrika | Sudan | Sud-Sudan | Tanzania | Tunizia | Togo | Uganda | Zambia | Zimbabwe