Historio di Gabon

De Wikipedio
Irez ad: pilotado, serchez
Aborijeni de Gabon, 1906.

Unesma habitanti di nuna Gabon esis pigmei. Pose, Bantua populi. Unesma Europani, Portugalani, arivis dum la 15ma yarcento. La nomo "Gabon" havas origino en Portugalana vorto gabão, qua signifikas "mantelo", qua esas aproxime la formo dil estuario di Komo fluvio proxim Libreville.

Francia asumis la stando di protektero di la regiono kande signatis pakti kun lokala chefi, en 1839 ed en 1841. Franca explorero Pierre Savorgnan de Brazza arivis en la regiono en 1875 e fondis Franceville. En 1885 Francia oficale okupis la teritorio, ma ne administris ol til 1903.

En 1910 Gabon divenis un di quak teritorii de Franca Equatoral Afrika. En 1922 lunesma politikala partiso di Gabon, Jeunesse Gabonais, fondesis.

Flago di Gabon.

Gabon divenis nedependanta de Francia en 1960. Kande lando divenis nedependanta, on existis du partisi: Bloc Democratique Gabonais - BDG - komandita da la prezidanto Léon M'ba, e Union Democratique et Sociale Gabonaise - UDSG - komandita da Jean-Hilaire Aubame, qua divenis Ministro por exteral aferi di lando. Léon M'ba elektesis prezidanto ed asumis povo en 1961, kun Omar Bongo Ondimba kom vice-prezidanto.

Pos M'ba asumar povo li interdiktis jurnalaro e proskriptis politikala protesti. Kande il dissolvis parlamento en 1964 por institucar guvernerio kun singla partiso, militisti probis ekpulsar il da stato-stroko, ma pos 24 hori Franca trupi di parafalisti sendesis a Gabon por restitucar povo a M'ba. Quankam internaciona kondamno, Franciani stacis proxim la chef-urbo por suportar ilu. Kande M'ba mortis en 1967 Omar Bongo asumis povo, e guvernis til lua morto ye la 8ma di junio 2009. Lua filiulo, Ali Bongo Ondimba, asumis povo ye la 16ma di oktobro sam yaro[1].

Referi[redaktar | edit source]

  1. Background note:Gabon US Dept. of State


LocationAfrica.png
Historio di Afrika
Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | San-Tome e Principe | Senegal | Sierra Leone | Seycheli | Somalia | Sudafrika | Sudan | Sud-Sudan | Swazilando | Tanzania | Tunizia | Togo | Uganda | Zambia | Zimbabwe