Historio di Gambia

De Wikipedio
L'insulo James e la fuorto Gambia.

Araba komercisti skribis l'unesma texti pri Gambia. Dum la 10ma yarcento islamana komercisti kreis komercala centri en la regiono. Li komercis oro, sklavi ed ivoro. Dum la 11ma o la 12ma yarcento la reji di Takrur, Ghana e Gao adoptis islamo kom religio. Dum la 14ma yarcento granda parto di nuna Gambia esis tributero del imperio Mali.

Portugalani arivis en la regiono en la duimo di la 15ma yarcento ed, en 1588 Antonio, Prioro di Crato vendis la yuro por komercar en la regiono di la fluvio Gambia a l'Angli. En 1618 Angla rejulo James la 1ma donis la yuro por komercar en le regioni di Gambia e Ghana ad un entraprezo Britaniana.

Dum la fino di la 17ma e tota 18ma yarcento Angli e Franci disputis politikala e komercala hegemonio en la regiono. Britanian imperio okupis la regiono kande un expediciono komandita da Augustus Keppel desembarkis en la regiono. Nuna chefurbo di Gambia, Banjul, fondesis en 1816 kun la nomo Bathurst. Un pakto kun Francia en 1889 establisis la nuna frontieri inter Gambia e Senegal.

Dum la Duesma mondomilito Gambiana trupi kombatis kontre Japoniani en la nuna Myanmar. Pos la milito, en 1962 eventis general elekti, ed Unionita Rejio grantis propra guvernerio a Gambia la sequanta yaro.

Flago di Gambia.
Prezidanto Dawda Jawara

Gambia divenis nedependanta de Unionita Rejio ye la 18ma di februaro 1965 kom monarkio. Ye la 24ma di aprilo 1970 ol divenis republiko. Lua unesma prezidanto esis Dawda Jawara. Ilu rielektesis 5 foyi. Ye la 29ma di julio 1981 paramilitisti probis donar stato-stroko dum l'absenteso pro lua voyajo a London. Jawara pregis helpo de Senegal, qua sendis entote 2700 soldati, qui vinkis la rebeli.

En 1994 la militisti revokis Dawda Jawara e proskriptis la politikal aktivesi de la opozantaro. Lietnanto Yahya Jammeh asumis povo e guvernis til la 21ma di januaro 2017, kande Adama Barrow, l'unesma prezidanto de la historio di Gambia demokratiale elektita, asumis la povo.


Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Eswatini | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | San-Tome e Principe | Senegal | Sierra Leone | Seycheli | Somalia | Sudafrika | Sudan | Sud-Sudan | Tanzania | Tunizia | Togo | Uganda | Zambia | Zimbabwe