Historio di Senegal

De Wikipedio
Irez a navigado Irez a serchilo
Mapo de 1770 da Guillaume Delisle, pri la regiono.

La regiono di nuna Senegal ja habitesis dum la prehistorio. Pro ne existar skribita historio pri l'epoko ante l'arivo dil Europani, la historio di la regiono esas konocata precipue per arkeologiala exkavuri, e la historio skribita en Araba linguo. Ta fonti indikas ke Senegal esis unesme populizita de nordo e de esto til sudo e westo, en diversa migradi di la Wolof-, Fulani- e Serer. Parto di lua teritorio ank apartenis al imperio Ghana e pose al imperio Mali.

Komercisti di sklavi che insulo Gorée.

Diversa Europana nacioni, exemple Portugal, Nederlando ed Anglia, konkurencis por komerco en la regiono til 1677, kande Francia okupis importanta loko por komercar sklavi, insulo Gorée, proxim la nuna Dakar. Erste dum la yari 1850a Francia komencis explorar l'internajo di nuna Senegalana teritorio.

Standardo di Senegal

En 1959, Senegal e Franca Sudan unionesis por formacar la Federuro Mali, qua nedependanteskis ye la 20ma di junio 1960. Pro interna desfacilesi, la Federuro ruptis, e Senegal nedependanteskis ye la 20ma di agosto 1960. Léopold Sédar Senghor divenis lua unesma prezidanto en septembro sam yaro. Senghor e la chefministro Mamadou Dia guvernis en un parlamentala sistemo.

Senegal unionis kun Gambia en tale nomizita Kunfederuro Senegambia dum kurta periodo, de la 1ma di februaro 1982 til 1989.

Abdou Diouf esis prezidanto di la lando de 1981 til 2000. Il stimulis larja politikala partopreno, diminutis guvernal interveno en l'ekonomio ed augmentis diplomacala relati kun altra landi, precipue altra developinta landi. En 1999 Diouf vinkesis dal chefo di la opozantaro, Abdoulaye Wade, en elekti konsiderita libera e yusta. Senegal vidis por la duesma foyo transito pacoza di povo. En 2004 prezidanto Wade anuncis ke ilu signatus paco-pakto kun la movado pri libereso di Casamance, regiono sude de la lando. Paco-pakto duris, e refujinti komencis gradope retroirar a lia originala regioni, tamen en 2007 violento inter separemisti e centrala guvernerio rikomencis.

En elekti eventinta en 2012, Abdoulaye Wade vinkesis da Macky Sall, qua rielektesis en 2019. Sall promisis diminutar prezidantala mandato de 7 yari til 5 yari.


LocationAfrica.png
Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Eswatini | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | San-Tome e Principe | Senegal | Sierra Leone | Seycheli | Somalia | Sudafrika | Sudan | Sud-Sudan | Tanzania | Tunizia | Togo | Uganda | Zambia | Zimbabwe