Historio di Mauritania

De Wikipedio
Irez ad: pilotado, serchez

L'originala habitanti di Mauritania esis le Bafour, posible populo di raso Mande. La regiono recevis la nomo de l'anciena Romana provinco di Mauretania.

Nuna Mauritania jacis an la bordo di anciena Libia. Berberi komencis arivar en la regiono dum la 3ma yarcento.

En 1076 Mauri atakis e konquestis anciena imperio Ghan. Dum la sequanta 500 yari, Arabi gradope vinkis la rezisto di lokala populi e dominacis Mauritania. Dum la 19ma yarcento Franciani, de la regiono dil fluvio Senegal, komencis gradope okupar teritorii di nuna Mauritania. Xavier Coppolani recevis l'imperiala misiono e, per un kombinuro di strategiala asocii kun Zawiya tribui, il sucesoze extendis Franciana dominaco super Mauritaniana emirati: Trarza, Brakna e Tagant rapide submisis su a koloniala povo, en 1903 ed en 1904. L'emirio di Adrar, en nordo, fine vinkesis en 1912.

Franca guvernerio interdiktis sklaveso, ed eliminis intertribuala militi. Dum la koloniala periodo parto di la populo gradope abandonis nomadeso, e pos Mauritania divenar nedependanta de Francia ye la 28ma di novembro 1960, l'urbo di Nouakchott, ante un urbeto, rapide kreskis, til superirar 800 mil habitanti nun.

Flago di Mauritania

L'unesma prezidanto di lando esis Moktar Ould Daddah, qua guvernis de 1960 til 1978 en un rejimo kun unika partiso. Lua guvernerio konstruktis un fervoyo kun 675 km por explorar minerali di fero en Zouerate. La produktajo komencis en 1963. Kande laboristi komencis striko por revendikar plu bona salarii, l'armeo intervenis e 8 laboristi mortigesis.

En 1975, por timar Marokana expanso en la regiono di l'anciena Hispaniana Sahara, Mauritania invadis e anexis la sudo di Westala Sahara e rinomizis la regiono kom Tigris-el-Gharbiyya, ma pos 3-monata kontre-ataki da la Fronto Polisario e ataki en la regiono di Zouerate, l'ekonomio di Mauritania komencis peceteskar.

Ye la 10ma di julio 1978 kolonelo Mustafa Ould Salek revokis Ould Daddah de povo. Fronto Polisario nemediate deklaris cesar-fairo, e komencis negociado kun reprezenteri di nova guvernerio en Aljeria. Tamen, la misjerado di un rasala krizo en sudo di lando - dicerno kontre nigra Afrikani qua vivis en la regiono - kontributis por politikala agiteso, ed en 1979 Ould Salek revokesis de povo da Mohamed Khouna Ould Haidallah.


LocationAfrica.png
Historio di Afrika
Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | Sao Tome e Principe | Senegal | Sierra Leone | Seycheli | Somalia | Sud-Afrika | Sudan | Sud-Sudan | Swazilando | Tanzania | Tunizia | Togo | Uganda | Zambia | Zimbabwe