Historio di Ivora Rivo

De Wikipedio
Jump to navigation Jump to search
Prehistoriala petr-objekto trovita an la nordo di Ivora Rivo.

Homi ja habitis la regiono di nuna Ivora Rivo de la fino la di Paleolitiko o komenco di la Neolitiko. Berbera populi ja vivis en la regiono dum Roman-epoko, e komercala karavani krucumis Sahara por interkambiar oro, salo, sklavi ed altra vari. Timbuktu, Gao e Djenné, en nuna Mali, divenis la precipua urbi por trans-Sahara komerco. Islamo arivis en la regiono tra la komercala itinerarii, e pos la 11ma yarcento ol atingis la nordo di la nuna Ivora Rivo.

L'unesma Europani qui arivis en la regiono esis Portugalani, en 1460. Li donis la nomo Costa do Marfim a la regiono, signifikante "Rivo di Ivoro" o "Ivora Rivo".

Francia establisis komercala monopolo kun lokala chefi dum la yari 1840ma. Franci stimulis agrokultivo e komerco de kafeo, kakao, banano e la produktado di oleo di palmieri. Ol divenis Franca kolonio en 1893. Ante, pakti kun Liberia en 1892 e kun Unionita Rejio en 1893 establisis la frontieri di la kolonio.

La lokala habitanti ne aceptis Franca dominacajo pacoze. Samori Ture, fondinto dil imperio Wassoulou, kombatis kontre Franci de 1882 til esar kaptita en 1898. En 1900 eventis revolto kontre imposti kreita por mantenar Franca kolonio. En 1905 Francia abolisis la sklaveso en ca regiono.

Dum l'unesma mondomilito Ivorana soldati kombatis en Francia kontre Germani. Cirkume 150.000 viri mortis en la milito. Dum la duesma mondomilito Francia di Vichy kontrolis la regiono til 1942 kande Britaniani invadis la kolonio e transferis povo a Franca provizora guvernerio, administrita da Charles de Gaulle.

Flago di Ivora Rivo.

Ivora Rivo divenis nedependanta de Francia ye la 7ma di agosto 1960. Félix Houphouët-Boigny esis lua unesma prezidanto. Tamen, l'unesma elekti kun plura partisi nur eventis en oktobro 1990, vinkita da Houphouët-Boigny.

Houphouët-Boigny mortis ye la 7ma di decembro 1993, e sucedesis da Henri Konan Bédié, qua lor esis la prezidanto dil parlamento. Bédié revokesis ye la 24ma di oktobro 1999 dal generalo Robert Guéï.

En 2002 komencis interna milito en la lando.


LocationAfrica.png
Historio di Afrika
Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | San-Tome e Principe | Senegal | Sierra Leone | Seycheli | Somalia | Sudafrika | Sudan | Sud-Sudan | Swazilando | Tanzania | Tunizia | Togo | Uganda | Zambia | Zimbabwe