Historio di Somalia

De Wikipedio
Irez ad: pilotado, serchez
Pikto en la kaverno Las Geel.

Homi habitis Somalia pos paleolitiko. Pikti en kaverni evas de 9.000 yari aK. La maxim famoza formacis la komplexo di Laas Geel, qua kontenas un di la maxim anciena arti en roko di Afrika. Anciena Somaliani domestikigis kamelo. La regiono mantenis prospera komerco kun Anciena Egiptia ed Anciena Grekia.

Islamo arivis en la regiono dum la 7ma yarcento, e la precipua komercala mar-voyi en Reda Maro divenis kontrolita da Islama kalifi. Somaliana komercisti establisis kolonio en Mozambik por extraktar oro, en Sofala. Mogadishu divenis importanta islama centro en Est-Afrika. Malgre to, islama e kristana komunesi en Somalia vivis en paco dum yarcenti.

En 1884 Europana povi decidis dividar Afrika, e la dervisho Muhammad Abdullah Hassan organizis milito en la korno di Afrika kontre Europana okupeso. En 1920 Abdullah Hassan fine vinkesis, e Unionita Rejio transformis la regiono pose konocita kom Britaniana Somalia en protektorato. La 15ma di decembro 1923 Italia sendis guberniestro Cesare Maria De Vecchi por guvernar Italiana Somalia.

Pos la duesma mondomilito Unionita Rejio prenis kontrolo di Britaniana Somalia ed Italiana Somalia kom protektorati, dum ke Francia kontrolis la vicina Djibuti. En 1958 eventis referendo en Djibuti pri unionar o ne unionar su kun Somalia, e plu multa de lua habitanti decidis restar unionita a Francia. Por grantar rezulto favorebla en Djibuti, Francia ekpulsi multa Somali de lua teritorio.

Flago di Somalia.
Generalo Siad Barre.

La 1ma di julio 1960 Britaniana ed Italiana Somalia unionesis e divenis nedependanta de Unionita Rejio. Lua unesma prezidanto esis Aden Abdullah Osman Daar, qua guvernis til 1967. La 20ma di julio 1961 lando adoptis lua unesma konstituco. En 1967 Muhammad Haji Ibrahim Egal divenis chefa ministro di lando.

La 15ma di oktobro 1969 dum vizito a l'urbo Las Anod, prezidanto Abdirashid Ali Shermarke asasinesis da un di lua korpogardisti. La 21ma di oktobro sam yaro eventis stato-stroko e generalo Muhammad Siad Barre asumis povo. Ilu komencis diktatoreso qua lastis til januaro 1991, kande ilu revokesis de povo. De 1991 til 2000 nula administrestro kontrolis tota la lando.

Abandonita strado en Mogadishu la yaro 1993, pose la falio dil rejimo di Siad Barre.

En 1986 komencis l'Interna milito en Somalia. Komence ol esis rezisto kontre la rejimo di Siad Barre, ma pos 1988 Somalian armeo kombatis kontre diversa rebela grupi, inkluzite grupi qui defendis la nedependo di Somalilando e Puntlando. Lando sufras la konsequi di milito til nun.


Historio di Afrika
Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | Sao Tome e Principe | Senegal | Sierra Leone | Seycheli | Somalia | Sud-Afrika | Sudan | Sud-Sudan | Swazilando | Tanzania | Tunizia | Togo | Uganda | Zambia | Zimbabwe
Dependanta teritorii

Ceuta | Kanarii | Madeira | Melilla | Westala Sahara | Mayotte | Reunion | Sokotra

Ne agnoskata nedependesi
Somalilando | Puntlando