Historio di Lesoto
Unesma habitanti di la nuna Lesoto esis populi Khoisan, remplasita da populi Bantuo dum la Bantua expanso. Unesma rejulo di moderna Lesoto esis Moshoeshoe la 1ma, qua regnis de 1822 til 1870.
Unionita Rejio transformis Lesoto en protektorato en 1884, e donis lu la nomo Basutolando, konservita til la nedependo. Kande l'Uniono di Sudafrika fondesis en 1910 Lesoto restis kontrolita dal Britaniani. En 1959 nova konstituco donis a Basutolando lua unesma legifantaro.
Lesoto divenis nedependanta de Unionita Rejio ye la 4ma di oktobro 1966 kom monarkio, havante Moshoeshoe la 2ma kom rejio, e parlamento kun du chambri. En 1970 la partiso Basotho National Party (BNP) perdis l'unesma elekto pos la nedependo. Basutoland Congress Party ganis 36 reprezenteri en la parlamento kontre 23 de BNP. Lore chefministro Leabua Jonathan ne aceptis la rezulto, ed enkarcerigis la chefo di BCP. Komencis gerilera*-ataki kontre la guvernerio. Leabua Jonathan guvernis de facto til 1986 kande militarala stato-stroko revokis ilu. La militisti donis povo a la rejulo Moshoeshoe la 2ma, lor havis nur ceremoniala povo. Ma kande la rejulo deziris plusa povi, militisti koaktis ilu abdikar, e lua filiulo Letsie la 3ma divenis rejulo.
En 1993 nova konstituco adoptesis e diminutis la povo dil rejo, qua perdis tota l'exekutiva povo. Ye la 2ma di aprilo sam yaro Ntsu Mokhehle divenis chefministro.
|
|
| Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Eswatini | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | San-Tome e Principe | Senegal | Sierra Leone | Seycheli | Somalia | Sudafrika | Sudan | Sud-Sudan | Tanzania | Tunizia | Togo | Uganda | Zambia | Zimbabwe | |