Olimpiala Ludi en Roma, 1960

L'Olimpiala Flago.

L'Olimpiala Ludi en Roma, 1960, od oficale la 17ma Olimpiala Ludi, esis internaciona plursporta konkurso qua eventis en 1960 en Roma, Italia. Roma esis divenonta l'eventeyo di l'Olimpiala Ludi en 1908. Tamen, la kapitali destinata a la Ludi riasignesis por rikonstruktar Napoli, devastita pro l'erupto di Vesuvio ye la 7ma di aprilo 1906. Do, Roma transferis la honoro gastigar la Ludi a London.

La Ludi komencis ye la 25ma di agosto e finis ye la 24ma di oktobro 1960. Partoprenis 5.348 atleti de 83 landi e teritorii qui havis Olimpiala komitati. Esis 150 eventi de 17 sporti.

Selekto dil urbo

17ma Somerala Olimpiala Ludi.

Ye la 15ma di junio 1955 elektesis l'eventeyo di L'Olimpiala Ludi en 1960. Roma ganis la konkurso kontre Lausanne, Detroit, Budapest, Bruxel, México e Tokyo.

Kandidata urbi por Olimpiala Ludi 1960: rezulti
Urbo	Lando	1ma baloto	2ma baloto	3ma baloto
Roma	Italia	15	26	35
Lausanne	Suisia	14	21	24
Detroit, Michigan	Usa	6	11	-
Budapest	Hungaria	8	1	-
Bruxel	Belgia	6	-	-
México	Mexikia	6	-	-
Tokyo	Japonia	4	-	-

Kelka fakti

Germana plunjo-natistino Ingrid Krämer dum l'Olimpiala Ludi 1960.

• Sovietani ganis 15 de 16 ora medalii en gimnastiko.
• Futura rejulo Konstantinos la 2ma di Grekia ganis ora medalio por segliro por lua lando.
• Cassius Clay ganis ora medalio por boxo en la kategorio til 81 kg, e Poloniana Kazimierz Paździor ganis ora medalio en la kategorio til 60 kg.
• Singapur partoprenis sub lua nuna flago unesma-foye.
• Dana biciklisto Knut Jensen mortis en hospitalo pos konsumar amfetamini. Lore duesmafoye atleto mortis dum Olimpiala Ludi, la unesma esis Portugalana maratonisto Francisco Lázaro en 1912.
• Tunizia, Maroko, Sudan e San Marino partoprenis unesma-foye.
• Duesmafoye Est-Germania e West-Germania partoprenis kom unika esquado, sub la nomo Germania.
• Sudafrika partoprenis lastafoye sub la rejimo apartheid. Pose l'Olimpiala Komitato permisis Sudafrika itere partoprenar erste en 1992, pos la fino dil apartheid.
• Abebe Bikila de Etiopia, qua kuris nud-pede, ganis lua unesma maratono.
• Republiko Socialista Federala di Yugoslavia ganis l'ora medalio por futbalo.
• Usa ganis l'ora medalio por basketbalo.
• Hungaria ganis la du ora medalii por moderna pentatlo, individuala e por esquado. Ferenc Németh ganis l'individuala.

Medalii ganita

Landi partopreninta l'Olimpiala Ludi en 1960. Blue, landi qui partoprenis unesmafoye.

L'inauguro-ceremonio en Roma, 1960.

Abebe Bikila dum la maratono.

Yen la listo di landi qui recevis adminime 1 bronza medalio en Roma en 1960.

#	Lando	Ora	Arjenta	Bronza	Entote
1	Sovietia	43	29	31	103
2	Usa	34	21	16	71
3	Italia	13	10	13	36
4	Usa	12	19	11	42
5	Australia	8	8	6	22
6	Turkia	7	2	0	9
7	Hungaria	6	8	7	21
8	Japonia	4	7	7	18
9	Polonia	4	6	11	21
10	Chekoslovakia	3	2	3	8
11	Rumania	3	1	6	10
12	Unionita Rejio	2	6	12	20
13	Dania	2	3	1	6
14	Nova-Zelando	2	0	1	3
15	Bulgaria	1	3	3	7
16	Suedia	1	2	3	6
17	Finlando	1	1	3	5
18	Austria	1	1	0	2
18	Yugoslavia	1	1	0	2
20	Pakistan	1	0	1	2
21	Etiopia	1	0	0	1
21	Grekia	1	0	0	1
21	Norvegia	1	0	0	1
24	Suisia	0	3	3	6
25	Francia	0	2	3	5
26	Belgia	0	2	2	4
27	Iran	0	1	3	4
28	Nederlando	0	1	2	3
28	Sudafrika	0	1	2	3
30	Arjentinia	0	1	1	2
30	Unionita Araba Republiko	0	1	1	2
32	Kanada	0	1	0	1
32	Taiwan	0	1	0	1
32	Ghana	0	1	0	1
32	India	0	1	0	1
32	Maroko	0	1	0	1
32	Portugal	0	1	0	1
32	Singapur	0	1	0	1
39	Brazilia	0	0	2	2
39	Federuro di Westala Indii	0	0	2	2
41	Irak	0	0	1	1
41	Mexikia	0	0	1	1
41	Hispania	0	0	1	1
41	Venezuela	0	0	1	1
Totali		152	149	160	461