Olimpiala Ludi en Tokyo, 1964

L'Olimpiala Ludi en Tokyo, 1964, od oficale la 18ma Olimpiala Ludi, esis internaciona plursporta konkurso qua eventis en 1964 en Tokyo, Japonia. Lore unesmafoye l'Olimpiala Ludi eventis en Azia.

La Ludi komencis ye la 10ma di oktobro e finis ye la 24ma di oktobro 1964. Partoprenis 5,151 atleti de 93 landi e teritorii. Esis 163 eventi de 19 sporti.

Selekto dil urbo

Ye la 26ma di mayo 1959 elektesis l'eventeyo di L'Olimpiala Ludi en 1964. Tokyo ganis la konkurso kontre Detroit, Wien e Bruxel.

Kandidata urbi por Olimpiala Ludi 1964 – rezulti:
Urbo	Lando	1ma baloto
Tokyo	Japonia	34
Detroit	Usa	10
Wien	Austria	9
Bruxel	Belgia	5

Kelka fakti

Imaji pri la Ludi transmisesis per artificala sateliti unesma-foye. On uzis telekomuniko-satelito Syncom 3 por transmisar imaji de Japonia ad Usa^[1]. De Usa, l'imaji transmisesis ad Europa per satelito Relay 1, qua permisis transmisar nur 15-20 minuti dum singla orbito^[2]^[3].
Komputori* e lenta kamero uzesis unesmafoye por registragar l'exakta tempi di la konkursi.
Japonia inauguris lua unesma lineo di treno di granda rapideso 9 dii ante la komenco di la Ludi.
Yoshinori Sakai, atleto naskinta en Hiroshima ye la 6ma di agosto 1945 (la dio kande l'unesma atom-bombo falis sur la urbo) acendis l'Olimpiala Flamo.
Judoo* e volebalo por mulieri aparis en l'Olimpiala Ludi unesma-foye^[4]. Japoniani Takehide Nakatani (kategorio til 68 kilogrami), Isao Okano (de 68 til 80 kg) e Isao Inokuma (plu kam 80 kg) ganis ora medalii en judoo.
Anke pentatlo por mulieri aparis unesma-foye. Sovietana Irina Press ganis ora medalio por pentatlo.
Etiopian atleto Abebe Bikila divenis l'unesma persono qua vinkis la maratono duesma-foye.
Usana Don Schollander ganis quar ora-medalii en natado. Entote, Usana natado-esquado ganis 7 de 10 ora medalii.
Nova-Zelandana atleto Peter Snell ganis du ora-medalii, por 800-metra e 1500-metra kurado.
Usana pezoza boxisto Joe Frazier ganis ora medalio por boxo.
Malaizia, formacita per l'uniono di Malaya, Singapur e Norda Borneo, partoprenis unesmafoye en l'Olimpiala Ludi .
En la gimnastiko por mulieri, Věra Čáslavská ganis 3 ora medalii por Chekoslovakia.
Franca Pierre Jonquères d'Oriola ganis lua duesma ora-medalio por salto individuala en kavalk-arto.
Billy Mills, de Usa, divenis la duesma indijena atleto Amerikana qua ganis ora medalio en l'Olimpiala Ludi.

Medalii ganita

Yen la listo di landi qui recevis adminime 1 bronza medalio en Tokyo en 1964.

Totali		163	167	174	504
#	Lando	Ora	Arjenta	Bronza	Entote
1	Usa	36	26	28	90
2	Sovietia	30	31	35	96
3	Japonia	16	5	8	29
4	Germania (unionita)^[5]	10	22	18	50
5	Italia	10	10	7	27
6	Hungaria	10	7	5	22
7	Polonia	7	6	10	23
8	Australia	6	2	10	18
9	Chekoslovakia	5	6	3	14
10	Unionita Rejio	4	12	2	18
11	Bulgaria	3	5	2	10
12	Finlando	3	0	2	5
12	Nova-Zelando	3	0	2	5
14	Rumania	2	4	6	12
15	Nederlando	2	4	4	10
16	Turkia	2	3	1	6
17	Suedia	2	2	4	8
18	Dania	2	1	3	6
19	Yugoslavia	2	1	2	4
20	Belgia	2	0	1	3
21	Francia	1	8	6	15
22	Kanada	1	2	1	4
22	Suisia	1	2	1	4
24	Bahama	1	0	0	1
24	Etiopia	1	0	0	1
24	India	1	0	0	1
27	Sud-Korea	0	2	1	3
28	Trinidad e Tobago	0	1	2	3
29	Tunizia	0	1	1	2
30	Arjentinia	0	1	0	1
30	Kuba	0	1	0	1
30	Pakistan	0	1	0	1
30	Filipini	0	1	0	1
34	Iran	0	0	2	2
35	Brazilia	0	0	1	1
35	Ghana	0	0	1	1
35	Republiko Irlando	0	0	1	1
35	Kenia	0	0	1	1
35	Mexikia	0	0	1	1
35	Nigeria	0	0	1	1
35	Uruguay	0	0	1	1