Katar

De Wikipedio
Irez ad: pilotado, serchez
Katar
دولة قطر
Dawlat Qatar
Flag of Qatar.svg Emblem of Qatar.svg
Flago di Katar Blazono di Katar
Nacionala himno:
As Salam al Amiri
LocationQatar.png
Urbi:
Chefurbo: Doha
· Habitanti: 339 847 (2004)
Precipua urbo: Doha
Lingui:
Oficala lingui: Araba
Guvernerio:
Tipi: Monarkio
· Emiro: Tamim bin Hamad Al Thani
· Chefa ministro: Hamad bin Jassim bin Jaber Al Thani
Surfaco: (164ma granda)
· Totala: 11 437 km²
· Aquo: neglijebla %
Habitanti: (148ma granda)
· Totala: 1.696.563[1] (2010)
· Denseso di habitantaro: 123,2 hab./km²
Pluse informi:
Valuto: Dinaro di Katar
Veho-latero: dextre
ISO: QA
QAT
634
Reto-domeno: .qa*
Precipua religio: islamo
Oficala retosituo: http://www.diwan.gov.qa/


Katar (Arabe: قطر‎‎), oficale la Stato di Katar (دولة قطر‎‎ Dawlat Qatar) esas lando en Azia an la mikra peninsulo di Katar, sud-este de Araba peninsulo. Lua vicina landi esas Saudi-Arabia sude e l'insulo di Bahrain weste. Katar anke havas marala frontieri kun l'Unionita Araba Emirati e kun Iran.

Pos l'Otomana regno, la regiono divenis Britaniana protektorato til 1971, kande ol ganis nedependo.

Bazala fakti pri Katar.

Historio[redaktar | redaktar fonto]

Taliuri en roki de 4 mil yari aK.
 Precipua artiklo: Historio di Katar

Homi ja okupis la regiono di nuna Katar cirkume 50 000 yari ante nun, dum la petr-epoko. La regiono komencis adoptar islamala religio pos la yaro 628. Portugalani siejis la regiono en 1521, e konstruktis multa fortresi ibe, ma ekpulsesis en 1602.

En 1871 Otoman imperio expansis lua dominacajo en la regiono, ma en 1913 li renuncis lua suvereneso super ol. Dum l'Unesma mondomilito, l'emiro Abdullah bin Jassim Al Thani signatis pakto kun la Britaniani, e transformis Katar en protektorato.

Katar divenis nedependanta de Unionita Rejio ye la 3ma di septembro 1971.

Politiko[redaktar | redaktar fonto]

L'emiro Tamim bin Hamad Al Thani (dextre) parolas kun Indiana chefministro Narendra Modi.

Katar esas ambe absoluta e konstitucala monarkio. De 1825 - kande la dinastio Al Thani kreesis - til nun la sama royala familio guvernas la lando. La nuna chefo di stato e 8ma emiro di la familio Al Thani esas Tamim bin Hamad Al Thani, qua heredis la trono de lua patro Abdullah bin Khalifah Al Thani ye la 25ma di junio 2013.

Existas un Konsilantaro di Konsulto (Majlis as-Shura), kun 45 membri, qui helpas l'emiro administrar. En 2003 aprobesis la konstituco di la lando per referendo kun 98% yes-voti.[2][3] Ol stipulis direta elekto por 30 ek la 45 membri de la Konsilantaro.[4] Tamen, la legaro di Katar ne permisas politikala partisi o sindikati.[5]

Geografio[redaktar | redaktar fonto]

La surfaco totala di Katar esas simila a de Libano e de Usana stato Connecticut. Granda parto de lua tereni esas basa e plana, e kovresas per dezerti. Lua maxim alta monto, Tuwayyir al Hamir, kun altitudo di 103 metri, jacas sude de la lando.[6]

La poka drinkebla aquo venas de subtera fonti e de la distilo di marala aquo. Nur en la nordo di la lando existas fertila suli kun vejetantaro.[6]

Ekonomio[redaktar | redaktar fonto]

 Precipua artiklo: Ekonomio di Katar

Katar divenis richa lando pro l'extraktado di petrolo e naturala gaso, qua reprezentas 85% de lua exportacaji ed esas lua precipua ekonomikala produkturo. La granda rezerveyo konocita kom "South Pars" en Iran, e "North Dome" en Katar, esas la maxim granda rezerveyo di naturala gaso de la mondo.

Demografio[redaktar | redaktar fonto]

La maxim granda urbo di Katar esas la chefurbo, Doha. Altra importanta urbi esas Ar-Rayyan e Al-Wakrah.

Kulturo[redaktar | redaktar fonto]

La kulturo di Katar (muziko, arto, vestaro e koquarto) esas simila ad altra Araba stati. Lando usas Sharia kom bazo di lua legaro, e la maxim multa habitantaro esas sunita islami.

L'Araba televiziono Al-Jazira brodkastas de Katar.

Referi[redaktar | redaktar fonto]

  1. "Populations" qsa.gov.qa
  2. http://www.electionguide.org/results.php?ID=341
  3. https://www.princeton.edu/~pcwcr/reports/qatar2003.html
  4. (1ma di novembro 2011) - Qatar to hold advisory council elections in 2013 - Qatar to hold advisory council elections in 2013. Reuters (UK edition). Reuters.
  5. The People Want Reform… In Qatar, Too.. Jadaliyya.
  6. 6,0 6,1 - Almanaque Mundial 2012 - pp. 424-425 Editorial Televisa.