Olimpiala Ludi en Athina, 2004
L'Olimpiala Ludi en Athina, 2004, od oficale la 28ma Olimpiala Ludi, esis internaciona plursporta konkurso qua eventis en 2004 en Athina, Grekia. Lore duesmafoye moderna Olimpiala Ludi eventis en Grekia, le unesma eventis en 1896.
La Ludi komencis ye la 13ma di agosto e finis ye la 29ma di agosto 2004. Partoprenis 10.625 atleti de 201 landi e teritorii qui havas Olimpiala komitati. Esis 301 eventi de 28 sporti.
Selekto dil urbo
[redaktar | redaktar fonto]
Ye la 5ma di septembro 1997 elektesis l'eventeyo di L'Olimpiala Ludi en 2004. Athina ganis kontre Buenos Aires, Stockholm, Kab-urbo e Roma.
| Kandidata urbi por Olimpiala Ludi 2004 - rezulti: | ||||||
|---|---|---|---|---|---|---|
| Urbo | Lando | 1ma baloto | 2ma baloto | 3ma baloto | 4ma baloto | 5ma baloto |
| Athina |  Grekia | 32 | ... | 38 | 52 | 66 |
| Roma |  Italia | 23 | ... | 28 | 35 | 41 |
| Kab-urbo |  Sudafrika | 16 | 62 | 22 | 20 | — |
| Stockholm |  Suedia | 20 | ... | 19 | — | — |
| Buenos Aires |  Arjentinia | 16 | 44 | — | — | — |
Kelka fakti
[redaktar | redaktar fonto]
- Braziliana maratonisto Vanderlei Cordeiro de Lima divenis mondale konocata pro yena epizodo: dum la kuro, ye cirkume 7 km de la termino, kande ilu, kom unesma rangizito, esis vinkonta la konkurso, Irlandana ex-sacerdoto Cornelius Horan embracis il e pulsis il aden la spektantaro. Un del spektanti, Polyvios Kossivas, dominacis Horan e helpis Vanderlei durar la kuro, ma Vanderlei perdabis cirkume 10 sekundi ed esabis devancata da Stefano Baldini (Italia) e Mebrahtom Keflezighi (Usa). Vanderlei arivis kom triesma e ganis la bronza medalio, ma pose ilu recevis la Medalio Pierre de Coubertain, pro lua sportala spirito, nam il rezolvis durar la maratono malgre l'incidento e pose joyoze celebris lua arivo, quankam il perdabis la chanco vinkar.
- Marokan atleto Hicham El Guerrouj ganis du ora medalii, por 1,500-metra e por 5000-metra kurado.[1] Lu esis la duesma atleto en la historio qua agis lo. L'unesma esis Paavo Nurmi, en 1924.[2]
- Arjentinia obtenis astonanta vinko kontre Usa lor la mi-finali di basketbalo (89 kontre 81),[3] e pose vinkis Italia (84 kontre 69) e ganis ora medalio.
- Félix Sánchez ganis l'unesma ora medalio por Dominikana Republiko pos vinkir la 400-metra kurado kun obstakli.[4]
- Chiliani Nicolás Massú e Fernando González ganis l'ora medalio por teniso por pari. Ol esis l'unesma ora medalio Olimpiala di la historio di Chili, qua komencis partoprenar l'Olimpiala Ludi en 1896.
- Rusian atletino pri alt-saltado Yelena Slesarenko divenis championino e samtempe olimpiala rekordistino (2,06 m).
- Britanian atletino Kelly Holmes divenis duopla championino pri 800-metra e 1500-metra kurado.
- Usana natisto Michael Phelps ganis 8 medalii, de qui 6 ora e 2 bronza, por natado.
Medalii ganita
[redaktar | redaktar fonto]
Yen la listo di landi qui recevis adminime 1 medalio en Athina en 2004.
| # | Lando | Ora | Arjenta | Bronza | Entote |
|---|---|---|---|---|---|
| 1 |  Usa | 36 | 39 | 27 | 102 |
| 2 |  PR Chinia | 32 | 17 | 14 | 63 |
| 3 |  Rusia | 27 | 27 | 38 | 92 |
| 4 |  Australia | 17 | 16 | 16 | 49 |
| 5 |  Japonia | 16 | 9 | 12 | 37 |
| 6 |  Germania | 13 | 16 | 20 | 49 |
| 7 |  Francia | 11 | 9 | 13 | 33 |
| 8 | Italia | 10 | 11 | 11 | 32 |
| 9 |  Sud-Korea | 9 | 12 | 9 | 30 |
| 10 |  Unionita Rejio | 9 | 9 | 12 | 30 |
| 11 |  Kuba | 9 | 7 | 11 | 27 |
| 12 |  Ukraina | 9 | 5 | 9 | 23 |
| 13 |  Hungaria | 8 | 6 | 3 | 17 |
| 14 |  Rumania | 8 | 5 | 6 | 19 |
| 15 | Grekia | 6 | 6 | 4 | 16 |
| 16 |  Brazilia | 5 | 2 | 3 | 10 |
| 17 |  Norvegia | 5 | 0 | 1 | 6 |
| 18 |  Nederlando | 4 | 9 | 9 | 22 |
| 19 | Suedia | 4 | 2 | 1 | 7 |
| 20 |  Hispania | 3 | 11 | 5 | 19 |
| 21 |  Kanada | 3 | 6 | 3 | 12 |
| 22 |  Turkia | 3 | 3 | 4 | 10 |
| 23 |  Polonia | 3 | 2 | 5 | 10 |
| 24 |  Nova-Zelando | 3 | 2 | 0 | 5 |
| 25 |  Tailando | 3 | 1 | 4 | 8 |
| 26 |  Bielorusia | 2 | 6 | 7 | 15 |
| 27 |  Austria | 2 | 4 | 1 | 7 |
| 28 |  Etiopia | 2 | 3 | 2 | 7 |
| 29 |  Iran | 2 | 2 | 2 | 6 |
| 29 |  Slovakia | 2 | 2 | 2 | 6 |
| 31 |  Taiwan | 2 | 2 | 1 | 5 |
| 32 |  Gruzia | 2 | 2 | 0 | 4 |
| 33 |  Bulgaria | 2 | 1 | 9 | 12 |
| 34 |  Jamaika | 2 | 1 | 2 | 5 |
| 34 |  Uzbekistan | 2 | 1 | 2 | 5 |
| 36 |  Maroko | 2 | 1 | 0 | 3 |
| 37 |  Dania | 2 | 0 | 6 | 8 |
| 38 | Arjentinia | 2 | 0 | 4 | 6 |
| 39 |  Chili | 2 | 0 | 1 | 3 |
| 40 |  Kazakstan | 1 | 4 | 3 | 8 |
| 41 |  Kenia | 1 | 4 | 2 | 7 |
| 42 |  Chekia | 1 | 3 | 4 | 8 |
| 43 | Sudafrika | 1 | 3 | 2 | 6 |
| 44 |  Kroatia | 1 | 2 | 2 | 5 |
| 45 |  Lituania | 1 | 2 | 0 | 3 |
| 46 |  Egiptia | 1 | 1 | 3 | 5 |
| 46 |  Suisia | 1 | 1 | 3 | 5 |
| 48 |  India | 1 | 1 | 2 | 4 |
| 49 |  Zimbabwe | 1 | 1 | 1 | 3 |
| 50 |  Azerbaijan | 1 | 0 | 4 | 5 |
| 51 |  Belgia | 1 | 0 | 2 | 3 |
| 52 |  Bahama | 1 | 0 | 1 | 2 |
| 52 |  Israel | 1 | 0 | 1 | 2 |
| 54 |  Kamerun | 1 | 0 | 0 | 1 |
| 54 |  Dominikana Republiko | 1 | 0 | 0 | 1 |
| 54 |  Unionita Araba Emirii | 1 | 0 | 0 | 1 |
| 57 |  Nord-Korea | 0 | 4 | 1 | 5 |
| 58 |  Latvia | 0 | 4 | 0 | 4 |
| 59 |  Mexikia | 0 | 3 | 1 | 4 |
| 60 |  Portugal | 0 | 2 | 1 | 3 |
| 61 |  Finlando | 0 | 2 | 0 | 2 |
| 61 | .svg){kind=small} Serbia e Montenegro | 0 | 2 | 0 | 2 |
| 63 |  Slovenia | 0 | 1 | 3 | 4 |
| 64 |  Estonia | 0 | 1 | 2 | 3 |
| 65 |  Hong Kong | 0 | 1 | 0 | 1 |
| 65 | India | 0 | 1 | 0 | 1 |
| 65 |  Paraguay | 0 | 1 | 0 | 1 |
| 68 |  Kolumbia | 0 | 0 | 2 | 2 |
| 68 |  Nigeria | 0 | 0 | 2 | 2 |
| 68 |  Venezuela | 0 | 0 | 2 | 2 |
| 71 |  Eritrea | 0 | 0 | 1 | 1 |
| 71 |  Mongolia | 0 | 0 | 1 | 1 |
| 71 |  Siria | 0 | 0 | 1 | 1 |
| 71 |  Trinidad e Tobago | 0 | 0 | 1 | 1 |
| Totali | 301 | 301 | 327 | 929 | |
Referi
[redaktar | redaktar fonto]- ↑ El Guerrouj conquista el oro y Estévez concluye séptimo - Publikigita da AS.com. Idiomo: Hispana.
- ↑ El Guerrouj consiguió un doblete histórico - Publikigita da El Diario de Hoy. Dato di publikigo: 29ma di agosto 2004. Idiomo: Hispana.
- ↑ Ganó con la camiseta - Publikigita da infobae.com. Dato di publikigo: 28ma di agosto 2004. Idiomo: Hispana.
- ↑ Oro para Félix Sánchez - Dato di publikigo: 26ma di agosto 2004. Idiomo: Hispana.