Kamerun

Kamerun
République du Cameroun Republic of Cameroon
Standardo di Kamerun	Blazono di Kamerun
Nacionala himno:
Chant de Ralliement
Urbi:
Chefurbo:	Yaounde
Precipua urbo:	Yaounde
Lingui:
Oficala lingui:	Angliana, Franciana
Guvernerio:
Tipo:	Republiko
· Prezidisto:	Paul Biya
· Chefa ministro:	Philémon Yang
Surfaco: (53ma maxim granda)
· Totala:	475 440 km²
· Aquo:	1,3 %
Plusa informi:
Valuto:	Centr-Afrikana Franko CFA
Veho-latero:	dextre
ISO:	CM
	CMR
	120
Reto-domeno:	.cm*
Precipua religio:	kristanismo (54,2%)

Kamerun esas lando qua jacas en west-Afrika. Lua vicina landi esas:

• en westo, Nijeria
• en nord-esto, Chad
• en esto, Centrafrika
• en sud-esto, Demokratial Republiko Kongo
• en sudo, Gabon e Equatorala Guinea.

En sud-westo jacas Oceano Atlantiko.

Lando nomizita segun la Portugalana camarões quo signifikas 'kreveti', nam Portugalana exploreri trovis ampla quantesi an la regiono.

Bazala fakti pri Kamerum.

Historio

Precipua artiklo: Historio di Kamerun

Portugalani arivis en la litoro di nuna Kamerun ye 1472. Li trovis granda quanto di kreveti en Wouri fluvio, e nomezis ol Rio dos Camarões (kreveti fluvio). Dum la sequanta yarcenti, Europani establisis komerco kun rivala populi.

Kamerun divenis Germaniana kolonio ye 1884. Pos Unesma mondomilito lua teritorio esis dividita inter Unionita Rejio e Francia en Franca Kamerun e Angla Kamerun. Britani administris la teritorio de la vicina Nijeria.

Franca Kamerun divenis nedependanta ye 1 di januaro 1960. Angla-Kamerun divenis nedependanta de Unionita Rejio ye 1 di oktobro 1961 ed unionis kun vicina Franca Kamerun en federala sistemo. L'unesma nomo di l'unionita lando esis Federala Republiko di Kamerun. La chefo di nedependeso-proceso esis Ahmadou Ahidjo, qua esis l'unesma prezidisto di lando. Ahidjo gradoze koncentris povo en lia manui, e kontinuis koncentrar povo pos fino di milito kontre la partiso Union des Populations du Cameroun. La partiso di Ahidjo, Cameroon National Union (CNU) divenis l'unika legala partiso di lando ye 1 di septembro 1966 ed, ye 1972 la federulo esis abolisita en favoro di centrala guverno nomizita Unionita Republiko di Kamerun, kun sideyo en Yaounde.

Politiko

Kamerun esas parlamentala republiko. La chefo di stato esas la prezidisto, nune Paul Biya. La chefo di guvernerio esas la chefa ministro, nune Ephraïm Inoni.

La parlamento havas 1 chambro: Assemblée Nationale, kun 180 membri.

Geografio

Kamerun havas diversa peizaji e klimati en lua teritorio: dezerto, savano, foresti, vejetantaro di montaro e de litoro. Monto Kamerun, kun 4095 metri di altitudo, esas la maxim alta monto di lando.

La maxim granda urbo di Kamerum esas Douala. La chefurbo, Yaounde esas la 2ma en totala lojanti.

Ekonomio

Videz anke: Ekonomio di Kamerun.

Pesko esas importanta industrio en Kamerun. La nomo di lando, "Kamerun" derivas de Portugalana Camarões, "kreveti", pro la granda quanto di kreveti en lua litoro.

Demografio

La maxim granda urbo en totala populo-quanto esas Yaounde. Altra importanta urbi esas Douala e Bafousam.