Olimpiala Ludi en Atlanta, 1996

L'Olimpiala flago.

L'Olimpiala Ludi en Atlanta, 1996, od oficale la 26ma Somerala Olimpiala Ludi, esis internaciona plursporta konkurso qua eventis en 1996 en Atlanta, Usa. Lore quaresmafoye Usana urbo recevis moderna Olimpiala Ludi. Antee li eventabis en Saint Louis en 1904, e dufoye en Los Angeles (en 1932 e 1984).

La Ludi komencis ye la 19ma di julio e finis ye la 4ma di agosto 1996. Partoprenis 10.320 atleti de 197 landi e teritorii qui havas Olimpiala komitati. Esis 301 eventi de 28 sporti.

Selekto dil urbo

Monumento memoriganta l'Olimpiala Ludi en Atlanta.

En septembro 1990 elektesis l'eventeyo di L'Olimpiala Ludi en 1996. Atlanta ganis la konkurso kontre Athina, Belgrade, Manchester, Melbourne e Toronto.

Kandidata urbi por Olimpiala Ludi 1996 – rezulti:
Urbo	Lando	1ma baloto	2ma baloto	3ma baloto	4ma baloto	5ma baloto
Atlanta	Usa	19	20	26	34	51
Athina	Grekia	23	23	26	30	35
Toronto	Kanada	14	17	18	22	-
Melbourne	Australia	12	21	16	-	-
Manchester	Unionita Rejio	11	5	-	-	-
Belgrade	Yugoslavia	7	-	-	-	-

Kelka fakti

4X100-metra relayo-kurado por viri en la stadio Centennial Olympic.

• Plu kam 80 mil personi asistis l'aperto-ceremonio che l'Olimpiala Centyara Stadio (Centennial Olympic Stadium).
• Muhammad Ali acendis l'Olimpiala Flamo.
• 79 landi ganis adminime 1 medalio en ta Ludi.
• 5 atleti ekpulsesis de la Ludi pro l'uzo di dopado.
• Ye la 27ma di julio bombo explozis en l'Olimpiala Centyara Stadio (Centennial Olympic Stadium) e produktis du morti e 111 vunditi.
• Andre Agassi ganis ora medalio por teniso por singla ludisto.
• Unesmafoye en la historio eventis konkurso pri ritmala gimnastiko por mulieri. Hispana esquado, konsistanta ek Marta Baldó Marín, Nuria Cabanillas, Estela Giménez Cid, Lorena Guréndez García, Estíbaliz Martínez Yerro e Tania Lamarca Celada ganis l'ora medalio.
• Chiniana Deng Yaping ganis du ora medalii pri tabloteniso por mulieri (individuale e pare).
• Pri judoo*, kategorio supere 95 kg ("superpezoza") por viri, David Douillet de Francia ganis l'ora medalio, Ernesto Pérez de Hispania ganis l'arjenta, eFrank Möller de Germania e Harry Van Barneveld de Belgia ganis la bronza.
• Izzy, figuro kreita per komputero, esis la talismano di la Ludi.
• Sudafrikana Josia Thugwane ganis ora medalio por maratono.
• Amba Usana esquadi, maskula e femina, ganis ora medalii por basketbalo. En la maskula esquado ludis inter altri Charles Barkley, Karl Malone, Shaquille O'Neal e Scottie Pippen.
• Futbalo por mulieri debutis en l'Olimpiala Ludi, ed Usa ganis ora medalio pos vinkir Germania dum la finalo. En futbalo por viri, Nigeria ganis ora medalio pos vinkir Brazilia en la mi-finalo, ed Arjentinia en la finalo.

Efekti di Ludi en l'urbo

Multa personi konsideras ke la Ludi helpis modernigar Atlanta. Exemple la dormeyi por atleti, nun uzata dal universitato Georgia State, e la stadio Centennial Olympic, nun uzata dal basbalo-esquado Atlanta Braves. Entote la kusto por l'urbo amontis ad 1.8 miliardi dolari.

Atlanta ne havis debajo rezulte de la Ludi; kontree ol havis profiti de U$ 10 milioni.

Medalii ganita

Landi partopreninta en Atlanta, 1996. Blue, landi qui partoprenis unesma-foye.

Stadio Centennial Olympic.

Yen la listo di landi qui ganis adminime 1 medalio en Atlanta, 1996.

#	Lando	Ora	Arjenta	Bronza	Entote
1	Usa	44	32	25	101
2	Rusia	26	21	16	63
3	Germania	20	18	27	65
4	PR Chinia	16	22	12	50
5	Francia	15	7	15	37
6	Italia	13	10	12	35
7	Australia	9	9	23	41
8	Kuba	9	8	8	25
9	Ukraina	9	2	12	23
10	Sud-Korea	7	15	5	27
11	Polonia	7	5	5	17
12	Hungaria	7	4	10	21
13	Hispania	5	6	6	17
14	Rumania	4	7	9	20
15	Nederlando	4	5	10	19
16	Grekia	4	4	0	8
17	Chekia	4	3	4	11
18	Suisia	4	3	0	7
19	Dania	4	1	1	6
19	Turkia	4	1	1	6
21	Kanada	3	11	8	22
22	Bulgaria	3	7	5	15
23	Japonia	3	6	5	14
24	Kazakstan	3	4	4	11
25	Brazilia	3	3	9	15
26	Nova-Zelando	3	2	1	6
27	Sudafrika	3	1	1	5
28	Republiko Irlando	3	0	1	4
29	Suedia	2	4	2	8
30	Norvegia	2	2	3	7
31	Belgia	2	2	2	6
32	Nigeria	2	1	3	6
33	Nord-Korea	2	1	2	5
34	Aljeria	2	0	1	3
34	Etiopia	2	0	1	3
36	Unionita Rejio	1	8	6	15
37	Bielorusia	1	6	8	15
38	Kenia	1	4	3	8
39	Jamaika	1	3	2	6
40	Finlando	1	2	1	4
41	Indonezia	1	1	2	4
41	Yugoslavia	1	1	2	4
43	Iran	1	1	1	3
43	Slovakia	1	1	1	3
45	Armenia	1	1	0	2
45	Kroatia	1	1	0	2
47	Portugal	1	0	1	2
47	Tailando	1	0	1	2
49	Burundi	1	0	0	1
49	Kosta Rika	1	0	0	1
49	Equador	1	0	0	1
49	Hong Kong	1	0	0	1
49	Siria	1	0	0	1
54	Arjentinia	0	2	1	3
55	Namibia	0	2	0	2
55	Slovenia	0	2	0	2
57	Austria	0	1	2	3
58	Malaizia	0	1	1	2
58	Moldova	0	1	1	2
58	Uzbekistan	0	1	1	2
61	Azerbaijan	0	1	0	1
61	Bahama	0	1	0	1
61	Taiwan	0	1	0	1
61	Latvia	0	1	0	1
61	Filipini	0	1	0	1
61	Tonga	0	1	0	1
61	Zambia	0	1	0	1
68	Gruzia	0	0	2	2
68	Maroko	0	0	2	2
68	Trinidad e Tobago	0	0	2	2
71	India	0	0	1	1
71	Israel	0	0	1	1
71	Lituania	0	0	1	1
71	Mexikia	0	0	1	1
71	Mongolia	0	0	1	1
71	Mozambik	0	0	1	1
71	Porto-Riko	0	0	1	1
71	Tunizia	0	0	1	1
71	Uganda	0	0	1	1
Totali		271	273	298	842