Olimpiala Ludi en London, 2012

Logotipo* dil Olimpiala Ludi en London, 2012.

L'Olimpiala Ludi en London, 2012, od oficale la 30ma Olimpiala Ludi, esis internaciona plursporta konkurso qua eventis en 2012 en London, Unionita Rejio. Lore triesmafoye London gastigis l'Olimpiala Ludi.

La Ludi komencis ye la 27ma di julio e finis ye la 12ma di agosto 2012. Partoprenis 10,768 atleti (5,992 viri e 4,776 mulieri) de 204 landi e teritorii, ed anke nedependanta atleti de anciena Nederlandan Antili e de nova Sud-Sudan. Esis 303 eventi de 26 sporti.

Selekto dil urbo

Afisho pri la kandidateso di London por gastigar la Ludi.

Sinioro Sebastian Coe

Ye la 15ma di julio 2003 9 urbi prizentis lia kandidatesi por gastigar la Ludi: Havana, Istanbul, Leipzig, London, Madrid, Moskva, New York, Paris e Rio de Janeiro. Dum la selekto-proceso, komence Paris konsiderabis la preferita, pro esir la triesma foyo ke ol prizentis lua kandidateso, ma la nomo di London gradope remarkesis pos Sebastian Coe divenar chefo di la kampanio London 2012.

Ye la 18ma di mayo 2004 l'Internaciona Olimpiala Komitato pro teknikala motivi restriktis la nombro de kandidata urbi a kin: London, Madrid, Moskva, New York e Paris.

Ye la 6ma di julio 2005 la komitato tandem anuncis London kom eventeyo di l'Olimpiala Ludi.

Kandidata urbi por Olimpiala Ludi 2012 - rezulti:
Urbo	Lando	1ma votado	2ma votado	3ma votado	4ma votado
London	Unionita Rejio	22	27	39	54
Paris	Francia	21	25	33	50
Madrid	Hispania	20	32	31	—
New York	Usa	19	16	—	—
Moskva	Rusia	15	—	—	—

Tamen, 1 dio pos lua selekto por gastigar la Ludi, eventis bombal ataki kontre la transporto-sistemo di London, qua produktis 52 morti e cirkume 700 vunditi. Rapide lore Britaniana ministro pri sporto, Richard Caborn, dicis: "ni montros ke, per l'uniono di la personi tra la sporto, la teroristi nultempe vinkos". Giselle Davies, en nomo de l'IOK, deklaris ke ne existis ligilo inter l'ataki e la kandidateso di London, e ke "IOK havis granda fido en London, pri gastigar sekura Ludi sep yari pose".

L'Olimpiala Parko en 2011.

Treno Olympic Javelin.

La Komitato pri Organizo dil Olimpiala Ludi en London kreesis (abreviuro en Angla: LOCOG) organizesis por surveyar omna agadi bezonita por gastigar la Ludi, dum ke l'Autoritato pri l'Olimpiala Developeso dil urbo e lua metropolala regiono (abreviuro en Angla: APD) divenis responsebla pri la konstrukto di la stadii e substrukturi. En novembro 2004 la projeto pri la 200-hektara Olimpiala Parko revelesis. Tamen, la tereni por konstruktar la parko esis en privata manui, ma en mayo 2006, 86% de la surfaco bezonata ja komprabis.

La regiono East End, este de London, subisis urbala rekupero pro la konstruktado di l'olimpiala parko. London spensis 5.3 miliard pundi por konstruktar nova loki e substrukturi, e 600 milion pundi por sekureso. La lineo di suburbala treni di East London modernigesis, e recevis la rapida treni nomizita Olympic Javelin. La metropoliteno di London anke modernigesis, pro la komitato LOCOG decidir ke adminime 80% de l'atleti mustis voyajar admaxime 20 minuti til arivar en la loki ube konkursus.

Kelka fakti

• Du maskoti kreesis kom simbolo di la Ludi: Wenlock e Mandeville, qui reprezentas du guti ek stalo de staliferio en l'urbeto Bolton, ye 16 km nord-weste de Manchester.
• Cirkume 4,700 olimpiala medalii produktesis por la ludi.
• Paul McCartney, ex-membro di la bando The Beatles, kantis dum l'inauguro-ceremonio.
• Bahrain, Botswana, Chipro, Gabon, Grenada, Guatemala e Montenegro recevis medalii unesma-foye en la historio di Olimpiala Ludi. Grenada recevis ora.
• 15-yara Rūta Meilutytė de Lituania divenis la maxim yuna natistino qua ganis ora medalio por natado (100-metra pektoral natado por mulieri).
• Franca Camille Muffat ganis l'ora medalio por 400-metra natado libera-stila.

Desinistre addextre: Hungara László Cseh (bronza) ed Usani Michael Phelps (centre, ora) e Ryan Lochte (arjenta), premiizita pri la 200-metra natado mixita-stila.

• Natalya Antyuh divenis l'ora medaliistino pri 400-metra hurd-kurado
• Usana natisto Michael Phelps recevis lua 22ma olimpiala medalio, e lore ja divenis la maxim premiizita atleto di la historio dil Olimpiala Ludi. Entote, Phelps ganis 4 ora e du arjenta medalii en London.
• Jamaikan atleto Usain Bolt itere ganis tri ora medalii: por 100-metra, 200-metra e 4X100-metra kurado.
• Jessica Ennis-Hill de l'Unionita Rejio ganis l'ora medalio pri heptatlo. Germana Lilli Schwarzkopf ganis l'arjenta, e Rusa Tatyana Chernova ganis la bronza.
• Usan esquadi, maskula e femina, itere ganis la du medalii por basketbalo.
• Brazilian esquado recevis l'ora medalio pri volebalo por mulieri, pos vinkar Usa en la lasta partio, dum ke Japonia recevis la bronza. En volebalo por viri, Rusia ganis l'ora, Brazilia l'arjenta ed Italia la bronza.
• Stephen Kiprotich de Uganda ganis ora medalio pri maratono por viri. Pri la maratono por mulieri, Tiki Gelana de Etiopia ganis l'ora.
• Annie Lennox, Spice Girls, The Who ed altri kantis dum la klozo-ceremonio. L'urbestro di Rio de Janeiro, Eduardo Paes, recevis l'Olimpiala standardo.
• Viktoriya Azaranka e Maxim Mirni ganis ora medalii por Bielorusia en tenisala duopla ludo mixita.

Medalii ganita

Partopreninta landi (verde).

Inauguro-ceremonio.

Alegorii pri l'industriala revoluciono dum l'inauguro-ceremonio.

Pirotekno dum l'inauguro-ceremonio.

Desinistre addextre: Rusa Denis Ablyazin (arjenta), Sud-Koreana Yang Hak-seon (ora) ed Ukrainana Igor Radivilov (bronza), premiizita pri gimnastiko.

La stadio por atletismo dum la nokto.

Yen la listo di landi qui recevis adminime 1 bronza medalio en London en 2012.

#	Lando	Ora	Arjenta	Bronza	Entote
1	Usa	46	29	29	104
2	PR Chinia	38	27	22	87
3	Unionita Rejio*	29	17	19	65
4	Rusia	24	26	32	82
5	Sud-Korea	13	8	7	28
6	Germania	11	19	14	44
7	Francia	11	11	12	34
8	Italia	8	9	11	28
9	Hungaria	8	4	5	17
10	Australia	7	16	12	35
11	Japonia	7	14	17	38
12	Kazakstan	7	1	5	13
13	Nederlando	6	6	8	20
14	Ukraina	6	5	9	20
15	Kuba	5	3	6	14
16	Nova-Zelando	5	3	5	13
17	Iran	4	5	3	12
18	Jamaika	4	4	4	12
19	Chekia	4	3	3	10
20	Nord-Korea	4	0	2	6
21	Hispania	3	10	4	17
22	Brazilia	3	5	9	17
23	Bielorusia	3	5	5	13
24	Sudafrika	3	2	1	6
25	Etiopia	3	1	3	7
26	Kroatia	3	1	2	6
27	Rumania	2	5	2	9
28	Kenia	2	4	5	11
29	Dania	2	4	3	9
30	Azerbaijan	2	2	6	10
30	Polonia	2	2	6	10
32	Turkia	2	2	1	5
33	Suisia	2	2	0	4
34	Lituania	2	1	2	5
35	Norvegia	2	1	1	4
36	Kanada	1	5	12	18
37	Suedia	1	4	3	8
38	Kolumbia	1	3	4	8
39	Gruzia	1	3	3	7
39	Mexikia	1	3	3	7
41	Republiko Irlando	1	1	3	5
42	Arjentinia	1	1	2	4
42	Salvador	1	1	2	4
42	Serbia	1	1	2	4
45	Tunizia	1	1	1	3
46	Dominikana Republiko	1	1	0	2
47	Trinidad e Tobago	1	0	3	4
47	Uzbekistan	1	0	3	4
49	Latvia	1	0	1	2
50	Aljeria	1	0	0	1
50	Bahrain	1	0	0	1
50	Grenada	1	0	0	1
50	Uganda	1	0	0	1
50	Venezuela	1	0	0	1
55	India	0	2	4	6
56	Mongolia	0	2	3	5
57	Tailando	0	2	1	3
58	Egiptia	0	2	0	2
59	Slovakia	0	1	3	4
60	Armenia	0	1	2	3
60	Belgia	0	1	2	3
60	Finlando	0	1	2	3
63	Bulgaria	0	1	1	2
63	Estonia	0	1	1	2
63	Indonezia	0	1	1	2
63	Malaizia	0	1	1	2
63	Porto-Riko	0	1	1	2
63	Taiwan	0	1	1	2
69	Botswana	0	1	0	1
69	Chipro	0	1	0	1
69	Gabon	0	1	0	1
69	Guatemala	0	1	0	1
69	Montenegro	0	1	0	1
69	Portugal	0	1	0	1
75	Grekia	0	0	2	2
75	Moldova	0	0	2	2
75	Katar	0	0	2	2
75	Singapur	0	0	2	2
79	Afganistan	0	0	1	1
79	Brunei	0	0	1	1
79	Hong Kong	0	0	1	1
79	Saudi-Arabia	0	0	1	1
79	Kuwait	0	0	1	1
79	Maroko	0	0	1	1
79	Tajikistan	0	0	1	1
Totali		302	304	356	962

Referi

Klozo-ceremonio en London, 2012.