Olimpiala Ludi en Rio de Janeiro, 2016

De Wikipedio
Irez ad: pilotado, serchez
L'Olimpiala simbolo.
Vinícius, un ek la talismani di la Ludi.

L'Olimpiala Ludi en Rio de Janeiro, 2016, od oficale la 31ma Olimpiala Ludi, esas internaciona plursporta konkurso qua eventis en 2016 en Rio de Janeiro, Brazilia. Lore unesmafoye Sud-Amerikana lando gastigis l'Olimpiala Ludi.

La Ludi komencis ye la 5ma di agosto e finis ye la 21ma di agosto 2016. Partoprenis 11,551 atleti[1] de 206 landi e teritorii, ed anke nedependanta esquado, kompozita da atleti qui esis refujinti de militi. Esis 306 eventi pri 28 sporti. Konkursi pri rugbio* por 7 ludisti e pri golfo inkluzesis unesmafoye en la Ludi.

Selekto dil urbo[redaktar | redaktar fonto]

Kandidata urbi por l'Olimpiala Ludi 2016.
Placo Praça Mauá, 2015.
L'Olimpiala parko en la quartero Barra da Tijuca.

La kandidatesi dil urbi por gastigar la Ludi oficale prizentesis unesmafoye ye la 16ma di mayo 2007.[2] Sep urbi - Chicago, Rio de Janeiro, Doha, Tokyo, Baku, Madrid e Praha - prizentis lia kandidatesi ye septembro dil sama yaro, e de li quar urbi selektesis por konkursar: Chicago, Madrid, Rio de Janeiro e Tokyo.

La lasta votado eventis ye la 2ma di oktobro 2009 en København, Dania, ed IOK tandem anuncis Rio de Janeiro kom eventeyo di l'Olimpiala Ludi.

Kandidata urbi por Olimpiala Ludi 2016 - rezulti:
Urbo Lando 1ma votado 2a votado 3ma votado
Rio de Janeiro Flag of Brazil.svg Brazilia 26 46 66
Madrid Flag of Spain.svg Hispania 28 29 32
Tokyo Flag of Japan.svg Japonia 22 20
Chicago Flag of the United States.svg Usa 18

Komence recevita entuziasmoze dal populo, la selekto di Rio de Janeiro por gastigar la Ludi gradope komencis recevar forta kritiki de multa Braziliani, sive pro la granda expensi bezonata por plubonigar la substrukturo dil urbo, sive pro desfidi pri misuzo di publika kolokajo por finar la labori justatempe, sive pro perdo di fido pri la politikistaro. En kelka loki eventis protesti dum la transporto di l'olimpiala flamo, e kelkafoye on probis extingar la flamo.

Treno di la "Lineo 4", la 3ma lineo dil urbala fervoyo di Rio de Janeiro.

Rio de Janeiro subisis granda modifiki en lua urbala substrukturo pos lua selekteso kom eventeyo, quala l'inauguro di lua triesma lineo di metropoliteno*, la konstruktadi di l'Olimpiala vilajo por gastigar l'atleti, di la velodromo, di du nova stadii por teniso e por natado, e la restuaro di domajita spaci en lua centro, quala la placo Praça Mauá, qua recevis la nova Muzeo pri Arto di Rio de Janeiro (MAR), kayo por recevar navi kun pasajeri, nova spaci kovrata per arbori e herbi, e moderna tramveturo-lineo qua juntas ol al aeroportuo Santos Dumont. Tamen, la diminuteso di 80% de la poluto en la bayo di Guanabara (loko por la konkursi pri windsurf e pri diversa klasi di seglobateli) ne eventis,[3] e recevis severa kritiki dal sportisti e da lia sportala federuri.

Ultre Maracanã, futbal-stadii di plusa kin urbi gastigis la konkursi pri futbalo, sive por viri, sive por mulieri: Arena Amazônia en Manaus; Arena Corinthians en Sao Paulo; Mineirão en Belo Horizonte; stadio Mané Garrincha en Brasília; ed Arena Fonte Nova en Salvador. La partii di futbalo por mulieri komencis ye la 3ma di agosto e por viri ye la 4ma di agosto, ante l'inauguro-ceremonio. La stadio Engenhão en Rio de Janeiro, en la quartero Engenho de Dentro, adaptesis por recevar la konkursi pri atletismo.

La skandalo pri dopado en la Rusa esquado ante la Ludi[redaktar | redaktar fonto]

Lamine Diack, ex-prezidanto di la Federuro Internaciona pri Atletismo - IAAF.

En 2013 Rusa atletino Yuliya Rusanova recevis 2-yara suspenseso de l'internaciona konkursi pro l'uzo di substanci interdiktita[4]. Ye la sequanta yaro, el ed elua spozulo Vitaly Stepanov decidis revelar detali pri l'uzo di *dopado dal Rusa esquadi.

Ye la 9ma di novembro 2015, divulgesis 323-pagina inquesto pri l'uzo di drogi dal Rusa atleti.[4] La inquesto montris quale atleti, entrenisti, kelk arbitreri, kelka personi qui facis la testi pri uzo di drogi, e mem kelka membri di la Federuro Internaciona pri Atletismo - IAAF - rispektive uzis, furnisis, falsigis la kolekto di specimeni por testar l'uzo di drogi, falsigis la rezulti di testi ed/od omisis la pruvi pri l'uzo di drogi en diversa okazioni.[4] Segun l'inquesto, la Ministerio Rusa pri la Sporto "komandis, kontrolis e direktis" la falsigo di la rezulti pri l'exameni di urino de l'atleti.[5] Ye la 1ma di novembro 2015 l'ex-prezidanto de IAAF, Lamine Diack, arestesis e restas sub inquestado pro korupteso e pro pekunio-lavado.[6][7] Segun l'akuzi, Diack recevis 1,2 milion dolari de la Rusa Federuro pri Atletismo por celar pruvi pri dopado di adminime 6 atleti en la yaro 2011.[6]

Pro la skandalo, komence l'IAAF decidis interdiktar nur l'atletismo Rusa de l'Olimpiala Ludi en Rio de Janeiro. Pose la puniso afektis omna Rusa esquadi por omna sportala konkursi.[5] Erste du dii ante l'inauguro-ceremonio en Rio de Janeiro, l'Internaciona Olimpiala Komitato - IOK - divulgis la nomi di la sportisti Rusa qui povis partoprenar la Ludi.[8] Entote 271 sportisti povis konkursar, dum ke 118 interdiktesis pro la skandalo.[8]

Inter l'atleti qui ne recevis la permis-atesto por konkursar esis Yelena Isinbayeva, atletino dufoye premiizita per ora medalii por stango-salto, en Athina (2004) e Beijing (2008), ed unfoye premiizita per bronza medalio, en London, 2012.[9] Ye la 18ma di agosto 2016 Isinbayeva elektesis membro di la komitato di atleti dal Internaciona Olimpiala Komitato.[10] El decidis aceptar la nomineso, quankam el forte kritikis la decido da IOK ne permisir el partoprenar la Ludi, ed el anuncis elua retreto de la partopreni kom atletino lor la futura sportala konkursi.[11]

L'inauguro-ceremonio[redaktar | redaktar fonto]

Inauguro-ceremonio dil Olimpiala Ludi en Rio de Janeiro.
Desinistre addextre, la kantisti Caetano Veloso, Anitta e Gilberto Gil.

Cirkume 78.000 personi esis en stadio Maracanã por l'inauguro-ceremonio.[12] Unesmafoye esquado kompozita nur per refujant atleti - entote 10 personi - konkursis en la Ludi, sub l'Olimpiala Flago.[13] Inter la 37 chefi di stati e guvernerii qui asistis l'inauguro-ceremonio esis Franca François Hollande, Arjentiniana Mauricio Macri, Lituaniana Dalia Grybauskaitė, Nederlandana rejulo Willem-Alexander e la chefministro Mark Rutte, e la chefministro Italiana Matteo Renzi.[14]

Brazilian atleti eniras la stadio Maracanã.

Por simbolizar la repulso di prejudiki kontre homeosexuali e transsexuali, l'organizuro dil evento selektis Léa T., transsexuala modelo Braziliana, por duktar la triciklo qua transportis la plako kun la nomo di la Braziliana delegitaro.[15] Por portar la Braziliana standardo avan la delegitaro selektesis l'atletino Yane Marques, serjento de Brazilian armeo, qua ganis bronza medalio por moderna pentatlo en London, 2012.

Vanderlei Cordeiro de Lima acendas l'olimpiala kaldrono.

Gustavo Kuerten, Braziliana ex-tenisisto trifoye championo en Wimbledon, eniris la stadio tenante l'olimpiala flamo. Ilu pose transdonis ol a Hortência Marcari, Braziliana ex-basketbalistino, qua fine transdonis ol al ex-maratonisto Vanderlei Cordeiro de Lima, l'unika Brazilian atleto qua ganis la Medalio Pierre de Coubertain. Vanderlei acendis l'Olimpiala Rogo (fakte kaldrono).[16]

Quankam la budjeto por l'inauguro-ceremonio esis nur 10% de la budjeto por l'inauguro-ceremonio di 2012 en London,[17][18] la spektaklo recevis laudi de l'internaciona jurnalaro. Exemple Washington Post, qua dicis ke "adminime dum un nokto, Rio de Janeiro montris lo maxim bona quon ol facas, to esas: festi". Ultre la historio di la rasi e populi quin formacis la Braziliana populo, la precipua temo di la ceremonio esis la protektado dil *ambiento. La mesajo esis: "avancigar la paco en la mondo esas la bazo dil Olimpial idealo, e nun on bezonas anke urjante avancigar la paco kun nia planeto".[19] Por simbolizar l'ambientala* sucio, mem l'Olimpiala kaldrono projetesis por emisar poka karbobioxo.

Kelka eventi e rezulti[redaktar | redaktar fonto]

Aquala sporti[redaktar | redaktar fonto]

Olimpiala Stadio por Aquala Sporti, en Barra da Tijuca.

Por la konkursi pri natado konstruktesis provizora Stadio Olimpiala por Aquala Sporti en la quartero Barra da Tijuca, dum ke la 10-kilometra aquala maratono eventis en la maro e finis an la fuorto di Copacabana. Eventis konkursi pri 35 sporto-speci, de qui Usa ganis l'ora medalio pri 16, Australia ed Hungaria ganis 3 ora single, Japonia e Nederlando ganis du ora single, ed Unionita Rejio, Populala Republiko di Chinia, Kanada, Italia, Suedia, Dania, Hispania, Kazakstan e Singapur ganis 1 ora single.

La premiiziti Michael Phelps (ora), Japoniana Masato Sakai (arjenta) e Hungara Tamás Kenderesi (bronza) por la 200-metra natado segun papiliono-stilo.

Dum la Ludi, Usana natisto Michael Phelps ganis entote 6 Olimpiala medalii, de qui 5 ora e 1 arjenta. Dum lua kariero, ilu ganis 28 olimpiala medalii en quar Olimpiala Ludi, de qui 23 ora e 3 arjenta, e divenis la maxim premiizita atleto dum la historio dil Olimpiala Ludi. En Rio de Janeiro ilu ganis l'unesma ora pos helpar Usana esquado en la 4x100-metra relaya natado libera-stila por viri.[20] La duesma ganesis por 200-metra natado segun papiliono-stilo,[21] dum ke la triesma ganesis por la 4x200-metra relaya natado libera-stila.

La 4ma medalio ganita da Michael Phelps en Rio de Janeiro esis arjenta, por 100-metra natado segun papiliono-stilo[22] kun altra du atleti: Chad le Clos e László Cseh.[22] En la sama konkurso, Joseph Schooling de Singapur ganis la ora.[22] Phelps ganis ora anke por la 200-metra natado libera-stila, e por la 4x100-metra natado libera-stila.

Anke pri natado por viri, Japoniana Kosuke Hagino ganis l'ora medalio por la 400-metra natado mixita-stila.[23] Usana Ryan Murphy ganis l'ora por la 100-metra dorso-natado.[24]

Pri natado por mulieri, Hungara Katinka Hosszú ganis 4 Olimpiala medalii, de qui 3 ora ed 1 arjenta. Lua unesma ora medalio en Rio de Janeiro esis por la 400-metra natado mixita-stila.[23] Hosszú ganis ora medalio anke por la 100-metra dorso-natado,[25] e por la 200-metra natado mixita-stila. El ganis l'arjenta pri la 200-metra dorso-natado.

Sueda Sarah Sjöström ganis lua unesma ora medalio en l'Olimpiala Ludi, e ruptis la rekordo mondala por la 100-metra natado segun papiliono-stilo por mulieri.[26] Altra Olimpiala rekordo ruptesis da Dana natistino Pernille Blume, por la 50-metra natado libera-stila por mulieri.[27]

La konkursi pri plunjado por mulieri e por viri, pri sinkronigata natado (nur por mulieri) e pri aquala poloo* eventis en la stadio por aquala sporti Maria Lenk, anke en Barra da Tijuca. Populala Republiko di Chinia ganis 6 ek la 7 ora medalii di la konkursi pri plunjado, ed anke du arjenta por mulieri ed 1 bronza por viri. Pri sinkronigata natado, Rusia ganis l'ora medalio, Populala Republiko di Chinia ganis l'arjenta e Japonia ganis la bronza.

Pri aquala poloo* por viri, Serbia vinkis Kroatia en la finala partio e ganis l'ora medalio.[28] Italia ganis la bronza pos vinkar Montenegro.

Atletismo[redaktar | redaktar fonto]

Stadio Engenhão.
La peninsuleto Pontal, loko por la starto dil konkursi pri atletala marcho.

La maxim multa konkursi pri atletismo eventis en la stadio João Havelange, anke konocota kom Engenhão, en la quartero Engenho de Dentro, en la norda parto dil urbo. La stadio João Havelange inauguresis en 2007 por la Tot-Amerika Ludi ed uzesis precipue por futbalo-konkursi ante adaptesar por atletismo-konkursi. L'unika konkursi qui ne eventis en Engenhão esis la maratoni por mulieri e por viri, qui komencis e finis en la Sambódromo pos parkurir la stradi dil centro di Rio de Janeiro; e la konkursi pri atletala marcho, qui komencis en la peninsuleto Pontal e parkuris stradi en la quarteri Barra da Tijuca e Recreio dos Bandeirantes, til arivar en placo Tim Maia.

Pri la 10.000-metra kurado por mulieri Etiopiana Almaz Ayana ganis l'ora medalio e ruptis la mondala rekordo pri ta konkurso.[29] Keniana Vivian Jepkemoi Cheruiyot ganis l'arjenta, ed altra Etiopiano, Tirunesh Dibaba, ganis la bronza.[29] Pri la 5.000-metra kurado por mulieri, unesmafoye Kenia ganis l'ora e l'arjenta en la sama konkurso, rispektive Vivian Cheruiyot e Hellen Onsando Obiri, dum ke Etiopiana Almaz Ayana ganis la bronza.[30]

Dedextre adsinistre: Justin Gatlin, Usain Bolt e Andre De Grasse

Usain Bolt de Jamaika ganis lua triesma ora medali pri 100-metra kurado por viri. Usana Justin Gatlin ganis l'arjenta e Kanadana Andre De Grasse ganis la bronza.[31] Bolt konkursis anke por la 200-metra kurado e por la 4x100-metra relayo-kurado e ganis plusa 2 ora medalii. Por la 200-metra kurado, Kanadana Andre De Grasse ganis l'arjenta e Cristophe Lemaitre de Francia ganis la bronza.[32] Por la 4x100-metra kurado, la Jamaikana esquado ganis l'ora, la Japoniana esquado astonante arivis duesma-range e ganis l'arjenta, e quankam l'Usana esquado arivis triesma-range, pro eroro dum pasigar la bastoneto a Justin Gatlin l'esquado exkluzesis del konkurso, e Kanada ganis la bronza.[33][34]

Pri la 400-metra kurado por viri Wayde van Niekerk de Sudafrika ganis la ora e ruptis la rekordo por ta konkurso.[35] Kirani James de Grenada ganis l'arjenta, ed Usana LaShawn Merritt ganis la bronza.[35]

Pri la heptatlo (konkurso qua existas nur por mulieri), Belga Nafissatou Thiam ganis l'ora medalio, Britaniana Jessica Ennis ganis l'arjenta, e Brianne Theisen-Eaton de Kanada ganis la bronza.[36]


Pri stango-salto por viri, Braziliana Thiago Braz da Silva ganis l'ora medalio pos saltar 6.03 metri, e ruptis l'Olimpiala rekordo por ica sporto-speco. Franca Renaud Lavillenie saltis 5.98 metri e ganis l'arjenta, e Sam Kendricks de Usa saltis 5.92 metri e ganis la bronza.[37] Pri la stango-salto por mulieri, Greka Ekaterini Stefanidi ganis l'ora medalio pos saltar 4.85 metri.[38] Sandi Morris de Usa ganis l'arjenta, e Eliza Mccartney de Nova-Zelando ganis la bronza.

Pri la maratono por mulieri, Jemima Sumgong ganis la ora medalio por Kenia, Eunice Kirwa - naskinta en Kenia ma konkursanta por Bahrein ganis l'arjenta, ed Etiopiana Mare Dibaba ganis la bronza.[39] La konkurso komencis e finis en Sambódromo, la stadio ube dum la karnavalo eventas paradi di samba-skoli.

La maratono por viri - la lasta atletismo-konkurso qua eventas dum l'Olimpiala Ludi, komencis sub pluvo. Pos 2 hori, 8 minuti e 44 sekundi, Keniana Eliud Kipchoge arivis unesma-range e ganis l'ora medalio. Etiopiana Feyisa Lilesa ganis l'arjenta, ed Usana Galen Rupp ganis la bronza.[40]

Biciklismo[redaktar | redaktar fonto]

Velodromo di Barra da Tijuca.
La centro pri montala biciklismo, en Deodoro.

La konkursi pri biciklismo en Rio de Janeiro eventis en 4 loki: L'Olimpiala treko por BMX-konkursi konstruktita en la quartero Deodoro, la centro por montala biciklismo (ank en Deodoro), la velodromo (en la quartero Barra da Tijuca), e por la konkursi pri biciklismo sur choseo uzesis la stradi qui iras de la fuorto Copacabana til la quartero Recreio dos Bandeirantes.

Nederlandana Anna van der Breggen ganis ora medalio pri biciklismo sur choseo,[41] pos parkurar 136.9 km[42] en la stradi di Rio de Janeiro. Emma Johansson de Suedia ganis l'arjenta medalio ed Italiana Elisa Longo Borghini ganis la bronza. Greg Van Avermaet, de Belgia, ganis l'ora medalio en la sama kategorio por viri.[43][44]

En l'individuala biciklo-kurado kontre-horloja por mulieri, Usana Kristin Armstrong ganis l'ora medalio, Olga Zabelinskaya de Rusia ganis l'arjenta, e Anna van der Breggen ganis la bronza por la sama konkurso.[45] En la simila konkurso por viri, Suisa Fabian Cancellara ganis la ora.[46]

Sporta pafado[redaktar | redaktar fonto]

L'Olimpiala Centro por (Sporta) Pafado, en Deodoro.

La konkursi pri sporta pafado eventis en la Nacionala Centro por (Sporta) Pafado, konocata anke kom Olimpiala Centro por (Sporta) Pafado, inaugurita en 2007 en quartero Deodoro, proxim la geografiala centro di Rio de Janeiro.

Dedextre adsinistre: Pang Wei, Hoàng Xuân Vinh e Felipe Almeida Wu.

Pri la 10-metra sporta pafado kun pistolo per kompresita aero por viri, Vietnamana Hoàng Xuân Vinh ganis l'ora medalio, Braziliana Felipe Almeida Wu ganis l'arjenta, e Pang Wei de Populala Republiko di Chinia ganis la bronza. Duesma-foye en la historio di la Ludi Brazilia ganis medalio pri sporta pafado - l'unesma esis en 1920.[47] En la konkurso por mulieri por la sama sporto-speco, Mengxue Zhang de Populala Republiko di Chinia ganis la ora medalio, Vitalina Batsarashkina de Rusia ganis l'arjenta, e Anna Korakaki de Grekia ganis la bronza.[48]

En la 10-metra pafado per karabino per kompresita aero por viri, Italiana Niccolò Campriani ganis l'ora.[49]

Kuwaitana sporto-pafisto Fehaid Al-Deehani ganis l'ora medalio por pafado per eskopeto. Tamen, ilu ne konkursis por Kuwait, pro ke ta lando exkluzesis de la Ludi dal Internaciona Olimpiala Komitato.[50] Vice, ilu konkursis kom "nedependanta sportisto" sen portar flago, pro ne aceptir konkursar sub l'Olimpiala Flago. Al-Deehani ganis l'unika du (bronza) medalii de la historio di Kuwait en l'Olimpiala Ludi, ed en 2016 ilu ganis la ora, kom nedependanta atleto.

Altra Kuwaitana sportisto qua konkursis kom nedependanta en Rio esis Abdullah Al-Rashidi, qua ganis la bronza medalio pri pafado skeet (kontre ceramika pladi). Al-Rashidi konkursis kontre Italiana Gabriele Rossetti, qua ganis l'ora medalio, e kontre Marcus Svensson de Suedia, qua ganis l'arjenta pri la sama sporto-speco.

Altra sporti[redaktar | redaktar fonto]

Usana esquado pri Olimpiala gimnastiko por mulieri. Sinistre, Simone Biles.
Brazilian esquado pri volebalo, pos recevar l'ora medalio.

Klozo-ceremonio[redaktar | redaktar fonto]

La klozo-ceremonio eventis en la stadio Maracanã de la 20:00 kloki til la 22:50 kloki (UTC-3) ye la 21ma di agosto 2016.[89] Eventis kulturala prizentadi de Brazilia e de Japonia, pro ke l'eventeyo por la sequanta Olimpiala Ludi esos Tokyo.

Medalii ganita[redaktar | redaktar fonto]

Loki en Rio de Janeiro ube eventis la diversa Olimpiala konkursi.
Treko por la biciklo-konkurso kontre-horloja.
Uniformo di l'Australiana delegitaro.
Hiso dil Olimpiala Standardo dum l'inauguro-ceremonio.
Usana delegaciono dum l'inauguro-ceremonio.
Andy Murray portas la Britaniana standardo dum l'inauguro-ceremonio.
Atleti de Kazakstan paradas dum l'inauguro-ceremonio.
La delegaciono di Mongolia dum l'inauguro-ceremonio.
Premio-ceremonio pri judoo* por viri, kategorio super 100 kg. Dedextre adsinistre: Israelana Or Sasson, Braziliana Rafael Carlos da Silva, Franca Teddy Riner e Japoniana Hisayoshi Harasawa.
Desinistre addextre: Franca Sofiane Oumiha (arjenta) Braziliana Robson Conceição (ora), Kubana Lázaro Álvarez Estrada e Mongoliana Dorjnyambuugiin Otgondalai (bronza), premiizita pri boxo por kategorio til 60 kg por viri.

Yen la listo di landi qui recevis adminime 1 bronza medalio en Rio de Janeiro en 2016. Entote, 87 landi o esquadi ganis adminime 1 bronza medalio.[90]

# Lando Ora Arjenta Bronza Entote
1 Flag of the United States.svg Usa 46 37 38 121
2 Flag of the United Kingdom.svg Unionita Rejio 27 23 17 67
3 Flag of the People's Republic of China.svg PR Chinia 26 18 26 70
4 Flag of Russia.svg Rusia 19 18 19 56
5 Flag of Germany.svg Germania 17 10 15 42
6 Flag of Japan.svg Japonia 12 8 21 41
7 Flag of France.svg Francia 10 18 14 42
8 Flag of South Korea.svg Sud-Korea 9 3 9 21
9 Flag of Italy.svg Italia 8 12 8 28
10 Flag of Australia.svg Australia 8 11 10 29
11 Flag of the Netherlands.svg Nederlando 8 7 4 19
12 Flag of Hungary.svg Hungaria 8 3 4 15
13 Flag of Brazil.svg Brazilia 7 6 6 19
14 Flag of Spain.svg Hispania 7 4 6 17
15 Flag of Kenya.svg Kenia 6 6 1 13
16 Flag of Jamaica.svg Jamaika 6 3 2 11
17 Flag of Croatia.svg Kroatia 5 3 2 10
18 Flag of Cuba.svg Kuba 5 2 4 11
19 Flag of New Zealand.svg Nova-Zelando 4 9 5 18
20 Flag of Canada.svg Kanada 4 3 15 22
21 Flag of Uzbekistan.svg Uzbekistan 4 2 7 13
22 Flag of Kazakhstan.svg Kazakstan 3 5 9 17
23 Flag of Colombia.svg Kolumbia 3 2 3 8
24 Flag of Switzerland.svg Suisia 3 2 2 7
25 Flag of Iran.svg Iran 3 1 4 8
26 Flag of Greece.svg Grekia 3 1 2 6
27 Flag of Argentina.svg Arjentinia 3 1 - 4
28 Flag of Denmark.svg Dania 2 6 7 15
29 Flag of Sweden.svg Suedia 2 6 3 11
30 Flag of South Africa.svg Sudafrika 2 6 2 10
31 Flag of Ukraine.svg Ukraina 2 5 4 11
32 Flag of Serbia.svg Serbia 2 4 2 8
33 Flag of Poland.svg Polonia 2 3 6 11
34 Flag of North Korea.svg Nord-Korea 2 3 2 7
35 Flag of Belgium.svg Belgia 2 2 2 6
35 Flag of Thailand.svg Tailando 2 2 2 6
37 Flag of Slovakia.svg Slovakia 2 2 - 4
38 Flag of Georgia.svg Gruzia 2 1 4 7
39 Flag of Azerbaijan.svg Azerbaijan 1 7 10 18
40 Flag of Belarus.svg Bielorusia 1 4 4 9
41 Flag of Turkey.svg Turkia 1 3 4 8
42 Flag of Armenia.svg Armenia 1 3 - 4
43 Flag of the Czech Republic.svg Chekia 1 2 7 10
44 Flag of Ethiopia.svg Etiopia 1 2 5 8
45 Flag of Slovenia.svg Slovenia 1 2 1 4
46 Flag of Indonesia.svg Indonezia 1 2 - 3
47 Flag of Romania.svg Rumania 1 1 3 5
48 Flag of Bahrain.svg Bahrain 1 1 - 2
48 Flag of Vietnam.svg Vietnam 1 1 - 2
50 Flag of the Republic of China.svg Taiwan 1 - 2 3
51 Sen patrio*[50] 1 - 1 2
51 Flag of the Bahamas.svg Bahama 1 - 1 2
51 Flag of Côte d'Ivoire.svg Ivora Rivo 1 - 1 2
54 Flag of Singapore.svg Singapur 1 - - 1
54 Flag of Fiji.svg Fidji 1 - - 1
54 Flag of Jordan.svg Jordania 1 - - 1
54 Kosovo 1 - - 1
54 Flag of Puerto Rico.svg Porto-Riko 1 - - 1
54 Flag of Tajikistan.svg Tajikistan 1 - - 1
60 Flag of Malaysia.svg Malaizia - 4 1 5
61 Flag of Mexico.svg Mexikia - 3 2 5
62 Flag of Algeria.svg Aljeria - 2 - 2
62 Flag of Ireland.svg Irlando - 2 - 2
64 Flag of Lithuania.svg Lituania - 1 3 4
65 Flag of Bulgaria.svg Bulgaria - 1 2 3
65 Flag of Venezuela.svg Venezuela - 1 2 3
67 Flag of India.svg India - 1 1 2
67 Flag of Mongolia.svg Mongolia - 1 1 2
69 Flag of Burundi.svg Burundi - 1 - 1
69 Flag of the Philippines.svg Filipini - 1 - 1
69 Flag of Grenada.svg Grenada - 1 - 1
69 Flag of Niger.svg Nijer - 1 - 1
69 Flag of Qatar.svg Katar - 1 - 1
74 Flag of Norway.svg Norvegia - - 4 4
75 Flag of Egypt.svg Egiptia - - 3 3
75 Flag of Tunisia.svg Tunizia - - 3 3
77 Flag of Israel.svg Israel - - 2 2
78 Flag of Austria.svg Austria - - 1 1
78 Flag of the Dominican Republic.svg Dominikana Republiko - - 1 1
78 Flag of Estonia.svg Estonia - - 1 1
78 Flag of Finland.svg Finlando - - 1 1
78 Flag of Morocco.svg Maroko - - 1 1
78 Flag of Moldova.svg Moldova - - 1 1
78 Flag of Nigeria.svg Nigeria - - 1 1
78 Flag of Portugal.svg Portugal - - 1 1
78 Flag of Trinidad and Tobago.svg Trinidad e Tobago - - 1 1
78 Flag of the United Arab Emirates.svg Unionita Araba Emirii - - 1 1

Referi[redaktar | redaktar fonto]

Aviono F-5EM de Brazilian Aer-Armeo dum entreno pri intercepto e defenso ante l'inauguro di la Ludi.
La konstrukto di ludeyi en Deodoro.
Aerala imajo pri l'Olimpiala Parko en la quartero Barra da Tijuca.
Chefministro di Japonia Shinzo Abe arivas en la stadio, vestizita quale Mario.
Klozo-ceremonio en Maracanã, Rio de Janeiro.
Pirotekno dum la klozo-ceremonio.
"Karnavalo" dum la klozo-ceremonio.
  1. Olympic Athletes.
  2. (16ma di mayo 2007) 2016 Bid Process Launched. International Olympic Committee.
  3. (4ma di julio 2016) Promessas irreais e falhas condenam Baía de Guanabara à poluição (en Portugalana). Carta Capital. URL vidita ye la 6ma di agosto 2016.
  4. 4,0 4,1 4,2 (17ma di novembro 2015) Escândalo de doping do atletismo russo: perguntas e respostas. Globo.com. URL vidita ye la 6ma di agosto 2016.
  5. 5,0 5,1 5 perguntas sobre o escândalo de doping russo e como isso afeta a Olimpíada (en Portugalana). BBC. URL vidita ye la 7ma di agosto 2016.
  6. 6,0 6,1 (4ma di novembro 2015) Former IAAF President Under Criminal Investigation for Doping Cover-Up. Sports Illustrated. URL vidita ye la 21ma di novembro 2015.
  7. (9ma di novembro 2015) Athletics doping: Interpol to co-ordinate probe. URL vidita ye la 19ma di novembro 2015.
  8. 8,0 8,1 Após escândalo, COI divulga atletas da Rússia que poderão competir na Olimpíada no Rio (en Portugalana). UOL. URL vidita ye la 7ma di agosto 2016.
  9. Sputnik Brasil. Isinbayeva conta porque foi proibida de participar dos Jogos Rio-2016. URL vidita ye la 7ma di agosto 2016.
  10. (18ma di agosto 2016) Yelena Isinbayeva eleita para a comissão de atletas do COI (en Portugalana). Record.pt. URL vidita ye la 21ma di agosto 2016.
  11. (19ma di agosto 2016) Isinbayeva anuncia o fim da carreira e perdoa quem a puniu. TV Cidade Verde. URL vidita ye la 21ma di agosto 2016.
  12. Opening Ceremony of Rio 2016 Summer Olympics.
  13. Pela primeira vez, equipe de refugiados disputa Olimpíada (en Portugalana). Portal Brasil. URL vidita ye la 6ma di agosto 2016.
  14. (5ma di agosto 2016) Veja os líderes dos países que assistirão à abertura da Olimpíada (en Portugalana). G1.com. URL vidita ye la 7ma di agosto 2016.
  15. (5ma di agosto 2016) De bicicleta, modelo transexual Lea T puxa a delegação brasileira no desfile da cerimônia de abertura (en Portugalana). jurnalo Extra. URL vidita ye la 7ma di agosto 2016.
  16. Vanderlei Cordeiro de Lima acende a pira olímpica em cerimônia no Maracanã. UOL. URL vidita ye la 6ma di agosto 2016.
  17. Rio Olympics Ceremony to Cost 10% of London's Lavish Event Open. URL vidita ye la 6ma di julio 2016.
  18. Rio 2016 promise "original" Olympic Opening Ceremony despite low budget. URL vidita ye la 6ma di julio 2016.
  19. (5ma di agosto 2016) Brazil ignites the samba spirit! Rio Olympics is off with a bang but only after opening ceremony with empty seats, climate change lectures and ugly protests outside. URL vidita ye la 7ma di agosto 2016.
  20. (8ma di agosto 2016) Michael Phelps takes his 19th Olympic gold (en Angla). IOC. URL vidita ye la 8ma di agosto 2016.
  21. Michael Phelps wins the men's 200m butterfly final at Rio Olympics - live: American claims 20th gold medal as Chad le Clos misses out (en Angla). The Telegraph. URL vidita ye la 9ma di agosto 2016.
  22. 22,0 22,1 22,2 Phelps perde chance do tetra nos 100m borboleta e empata com dois em 2º (en Portugalana). UOL. URL vidita ye la 12ma di agosto 2016.
  23. 23,0 23,1 Japão conquista o primeiro ouro da natação; Húngara bate recorde mundial (en Portugalana). UOL. URL vidita ye la 6ma di agosto 2016.
  24. Rio Olympics: Ryan Murphy wins gold as USA and Russia face off in pool – live! (en Angla). The Guardian.co.uk. URL vidita ye la 8ma di agosto 2016.
  25. Olympic swimming results 2016: Katinka Hosszu wins gold in women's 100m backstroke (en Angla). SB Nation. URL vidita ye la 8ma di agosto 2016.
  26. Olympic swimming results 2016: Sarah Sjostrom wins gold in women's 100m butterfly (en Angla). SB Nation. URL vidita ye la 7ma di agosto 2016.
  27. Olympic swimming results 2016: Pernille Blume wins gold in women's 50m freestyle (en Angla). SB Nation. URL vidita ye la 15ma di agosto 2016.
  28. Sérvia vence a Croácia e conquista ouro inédito no polo aquático masculino. UOL. URL vidita ye la 20ma di agosto 2016.
  29. 29,0 29,1 Etíope Almaz Ayana bate recorde mundial dos 10.000 m e leva o 1º ouro do atletismo (en Portugalana). UOL. URL vidita ye la 12ma di agosto 2016.
  30. (19ma di agosto 2016) Rio 2016: Vivian Cheruiyot wins first gold medal for Kenya in women's 5000m run (en Angla). SB Nation. URL vidita ye la 20ma di agosto 2016.
  31. Bolt ganha tri nos 100 m rasos e se torna o maior da história do atletismo (en Portugalana). UOL. URL vidita ye la 14ma di agosto 2016.
  32. É tri de novo! Bolt domina os 200 m em sua despedida de provas individuais. UOL. URL vidita ye la 18ma di agosto 2016.
  33. Bolt fecha carreira olímpica perfeita com vitória no revezamento e 9º ouro. UOL. URL vidita ye la 20ma di agosto 2016.
  34. U.S. men's 4x100 meter relay disqualified in final (en Angla). URL vidita ye la 20ma di agosto 2016.
  35. 35,0 35,1 Sob olhar de Michael Johnson, sul-africano quebra recorde mundial dos 400m (en Portugalana). IG. URL vidita ye la 15ma di agosto 2016.
  36. (14ma di agosto 2016) Belga Thiam destrona Ennis-Hill e leva ouro no heptatlo. UOL. URL vidita ye la 20ma di agosto 2016.
  37. Thiago Braz consegue feito e é ouro no salto com vara com recorde olímpico. UOL. URL vidita ye la 16ma di agosto 2016.
  38. "Enganada" por torcida, grega descobriu que foi ouro após tombo do marido. UOL. URL vidita ye la 20ma di agosto 2016.
  39. (14ma di agosto 2016) Rio Olympics 2016: Jemima Sumgong wins women's marathon for Kenya (en Angla). BBC. URL vidita ye la 15ma di agosto 2016.
  40. Queniano leva ouro da maratona no Rio e conquista sua 3ª medalha olímpica. UOL. URL vidita ye la 21ma di agosto 2016.
  41. Dutch rider Van der Breggen wins thrilling women’s road race (en Angla). IOC. URL vidita ye la 8ma di agosto 2016.
  42. (7ma di agosto 2016) Anna van der Breggen wins Rio 2016 Olympics women’s road race; Lizzie Armitstead fifth (en Angla). Cycling Weekly. URL vidita ye la 10ma di agosto 2016.
  43. Van Avermaet stuns the climbers to take gold in Rio. URL vidita ye la 6ma di agosto 2016.
  44. Van Avermaet wins gold in men's road race at Olympic Games. Immediate Media Company. URL vidita ye la 7ma di agosto 2016.
  45. Olympic cycling 2016 results: Kristin Armstrong wins gold in women's time trial (en Angla). SB Nation. URL vidita ye la 10ma di agosto 2016.
  46. (8ma di agosto 2016) Olimpíadas Rio 2016 - Cancellara é ouro no contra-relógio (en Portugalana). pedal.com.br. URL vidita ye la 12ma di agosto 2016.
  47. (6ma di agosto 2016) Fã de Harry Potter e estudante de engenharia, Felipe Wu leva prata na 1ª medalha do Brasil e quebra jejum histórico (en Portugalana). ESPN. URL vidita ye la 8ma di agosto 2016.
  48. Zhang Mengxue wins gold medal in women's 10-meter air pistol for China (en Angla). URL vidita ye la 9ma di agosto 2016.
  49. (8ma di agosto 2016) Olimpiadi Rio 2016, Niccolò Campriani vince l’oro nella carabina da dieci metri per l’Italia è il terzo trionfo (en Italiana). Il Fatto Quotidiano. URL vidita ye la 9ma di agosto 2016.
  50. 50,0 50,1 Kuwaiti becomes first independent athlete to win gold with men's double trap win. Stuff.co.nz. URL vidita ye la 12ma di agosto 2016.
  51. Amiga de todos e pioneira: a argentina que levou o primeiro ouro do judô no Rio (en Portugalana). UOL. URL vidita ye la 6ma di agosto 2016.
  52. Judô dá 1º ouro para Kosovo: "Espero que sirva para Brasil nos reconhecer" (en Portugalana). UOL. URL vidita ye la 7ma di agosto 2016.
  53. Rafaela Silva dá ao Brasil sua primeira medalha de ouro na Rio-2016. UOL. URL vidita ye la 8ma di agosto 2016.
  54. ESPN. Dois dias após ser liberado pelo COI, russo vence cazaque no golden score e é ouro (en Portugalana). UOL. URL vidita ye la 6ma di agosto 2016.
  55. Invicto há 112 lutas, Riner ganha bi olímpico e aumenta fama de rei do Rio (en Portugalana). G1. URL vidita ye la 13ma di agosto 2016.
  56. (6ma di agosto 2016) Rio Olympics 2016: Emese Szasz wins epee gold for Hungary (en Angla). BBC Sport.
  57. (7ma di agosto 2016) Daniele Garozzo è d'oro Festa per il Frascati Scherma (en Italiana). Gazzetta Regionale. URL vidita ye la 9ma di agosto 2016.
  58. (8ma di agosto 2016) Ibtihaj Muhammad Officially Becomes First Team USA Athlete To Compete In Hijab At Olympics. URL vidita ye la 15ma di agosto 2016.
  59. (13ma di agosto 2016) Ibtihaj Muhammad Wins Bronze in Fencing, First U.S. Athlete to Compete at Olympics Wearing a Hijab. US Weekly. URL vidita ye la 15ma di agosto 2016.
  60. Grande, Óscar Figueroa medalla de oro en pesas en los Olímpicos! (en (Hispana)). La Nación.com.co. URL vidita ye la 8ma di agosto 2016.
  61. Austrália é o primeiro país a ser medalha de ouro no rugby sevens (en Portugalana). ZH Esportes. URL vidita ye la 8ma di agosto 2016.
  62. (12ma di agosto 2016) Fiji's golden victory: Party in Suva (en Angla). New Zealand Herald. URL vidita ye la 20ma di agosto 2016.
  63. South Africa's Sevens Rugby Team Scores Bronze at Rio. AllAfrica.com. URL vidita ye la 20ma di agosto 2016.
  64. (20ma di agosto 2016) Ouro no golfe vai para a República da Coreia (en Portugalana). Rio2016.com. URL vidita ye la 21ma di agosto 2016.
  65. Rio Olympics 2016: Michael Jung wins individual eventing gold on Sam (en Angla). BBC Sport Rio 2016. URL vidita ye la 10ma di agosto 2016.
  66. 66,0 66,1 (9ma di agosto 2016) France wins first Rio Olympics gold in equestrian team eventing (en Angla). France 24. URL vidita ye la 10ma di agosto 2016.
  67. Rio 2016 Olympics: Jade Jones retains taekwondo title to claim Team GB's 22nd gold medal (en Angla). URL vidita ye la 20ma di agosto 2016.
  68. Resultado Murray 3-1 Del Potro pelo Ouro do tênis da Rio 2016 (en Portugalana). VAVEL. URL vidita ye la 14ma di agosto 2016.
  69. Kei Nishikori vence Rafael Nadal e conquista medalha de bronze no Rio (en Portugalana). VAVEL. URL vidita ye la 14ma di agosto 2016.
  70. Tenista Monica Puig, a "Pica Power", conquista 1º ouro para Porto Rico (en Portugalana). UOL. URL vidita ye la 15ma di agosto 2016.
  71. Rio Olympics 2016: Evgeny Tishchenko wins gold in men's heavyweight final. BBC. URL vidita ye la 17ma di agosto 2016.
  72. Brazil's Queiroz wins silver in men's canoe single C1 1,000m (en Angla). vidaslatinasd.com. URL vidita ye la 16ma di agosto 2016.
  73. Isaquias é prata com Erlon e é 1º do país com 3 pódios na mesma Olimpíada. UOL. URL vidita ye la 20ma di agosto 2016.
  74. 2016 Rio Olympics results: Simone Biles, USA gymnastics win more medals on Day 11 (en Angla). URL vidita ye la 17ma di agosto 2016.
  75. (19ma di agosto 2016) Espanhola quebra hegemonia asiática no badminton (en Portugalana). Rio2016.com. URL vidita ye la 20ma di agosto 2016.
  76. Rio 2016: China – kings of the table tennis world. URL vidita ye la 22ma di agosto 2016.
  77. Enfim, ouro! Brasil supera dois traumas de uma vez e é campeão no Maracanã. UOL. URL vidita ye la 20ma di agosto 2016.
  78. Em casa, Brasil atropela Itália e volta a ser campeão olímpico após 12 anos. UOL. URL vidita ye la 21ma di agosto 2016.
  79. China vence a Sérvia e conquista o tri no vôlei feminino (en Portugalana). Terra.com. URL vidita ye la 21ma di agosto 2016.
  80. EUA repetem vitória sobre Holanda e ficam com o bronze no vôlei feminino. UOL. URL vidita ye la 20ma di agosto 2016.
  81. Alison e Bruno ganham ouro na praia, e Brasil já faz sua melhor Olimpíada. UOL. URL vidita ye la 19ma di agosto 2016.
  82. (18ma di agosto 2016) No esporte mais brasileiro da Rio-2016, alemãs tomam conta de Copacabana (en Portugalana). UOL. URL vidita ye la 20ma di agosto 2016.
  83. Dream Team enfim dá show, ganha aplausos e leva ouro na despedida dos Jogos (en Portugalana). UOL. URL vidita ye la 21ma di agosto 2016.
  84. Gasol brilha, Espanha vence jogaço contra a Austrália e se despede da geração com bronze. URL vidita ye la 21ma di agosto 2016.
  85. EUA conquistam o hexa olímpico e completam 20 anos de invencibilidade. UOL. URL vidita ye la 20ma di agosto 2016.
  86. Jogadora de 1,62m lidera Rússia em conquista do ouro no handebol feminino. UOL. URL vidita ye la 20ma di agosto 2016.
  87. Dinamarca conquista ouro inédito no handebol masculino (en Portugalana). Agência Brasil. URL vidita ye la 21ma di agosto 2016.
  88. Alemanha supera Polônia e fica com o bronze no handebol. URL vidita ye la 21ma di agosto 2016.
  89. Rio 2016 Ingressos – Compre seu ingresso para as Olímpiadas (en Portugalana).
  90. Jogos Olímpicos Rio 2016 - Quadro de Medalhas (en Portugalana). URL vidita ye la 21ma di agosto 2016.